U Viciebsku dvuchhadovaje dzicia vypała z akna kvatery na siomym paviersie. Jak paviedamlaje UUS Viciebskaha abłvykankama, niaščasny vypadak adbyŭsia viečaram 1 žniŭnia kala 19:30 u adnym z damoŭ pa praśpiekcie Budaŭnikoŭ. U vyniku padzieńnia chłopčyk z šmatlikimi traŭmami byŭ dastaŭleny ŭ abłasnuju kliničnuju balnicu.
U hetaj suviazi UUS Viciebskaha abłvykankama nahadvaje ŭsim, što padobnych trahiedyi možna paźbiehnuć, kali zahadzia pradumać sistemu abarony. Pierš za ŭsio nieabchodna zamović akno z błakataram, nie budzie lišnim, kali jaho ručki možna zamknuć na kluč, a potym prosta vyciahnuć jaho i prybrać dalej ci nasić z saboj.
Paprasić ustaloŭščykaŭ zrabić dadatkovyja zaščapki uviersie ramy, kudy dzicia nie daciahniecca, ci zamović vokny z ručkami, jakija možna zdymać i zabirać z saboj. Važna taksama abmiežavać mahčymaść dziciaci ŭźbiracca na padvakońnik.
Kamientary