Kandydat fiłasofskich navuk, vyłučeniec ad Partyi BNF Uładzimir Padhoł zarehistravany kandydatam u deputaty. Takoje rašeńnie pryniataje 10 žniŭnia na pasiadžeńni kamisii Staravilenskaj vybarčaj akruhi № 105 u Minsku.
Napiaredadni Padhołu było admoŭlena ŭ rehistracyi, bo ŭ kamisii zajavili, što jon nie paznačyŭ u dekłaracyi 20 akcyj AAT «Naftan», jakija nibyta jamu naležać. Pavodle słoŭ fiłosafa, takija akcyi jamu nikoli nie naležali, i ŭ toj ža dzień jon u suviazi ź incydentam nakiravaŭ listy hienprakuroru Alaksandru Kaniuku i staršyni Centrvybarkama Lidzii Jarmošynaj, u jakich siarod inšaha zapatrabavaŭ adstaŭki apošniaj.
«Siońnia prajšło pasiadžeńnie kamisii, pryśviečanaje Padhołu, na jakim ja admoviŭsia ad statusu «aliharcha». Jany doŭha railisia, a potym adnahałosna pryniali rašeńnie zarehistravać mianie kandydatam, bo padstaŭ dla admovy ŭ ich nie było», — zajaviŭ Padhoł.
Pavodle słoŭ fiłosafa, paśla jaho zvanka na «Naftan» z prośbaj ab tłumačeńniach členy kamisii pryznali pamyłku, zajaviŭšy, što paličyli prynaležnymi jamu akcyi jaho niapoŭnaha ciozki. «Jany kazali: «Heta ž nie my, my zasumniavalisia i stali ŭdakładniać, a śpiecsłužby pra akcyi paviedamili». Navat pajšli pa šlachu pošuku dvajnikoŭ, kab mianie nie rehistravać», — ličyć kandydat u deputaty.
Taksama zarehistravany aktyvist pradprymalnickaha ruchu Alaksandr Tałstyka, jaki ŭ pieryjad zboru podpisaŭ razam z Padhołam arhanizavaŭ u stalicy niekalki pikietaŭ, dzie vykarystoŭvaŭsia niezvyčajny rekvizit, naprykład, fota Jarmošynaj u kletcy abo dziaržaŭnaja simvolika ZŠA, i prachodzili pierformansy.
«Tałstyka taksama zarehistravany, pryčym unikalna. U jaho ŭ artykule dachodaŭ paznačany vyjhryšy ŭ łatarei», — skazaŭ Padhoł.
Ciapier čytajuć
«Kali b ja byŭ śledčym KDB, ja b padkreśliŭ toje samaje». Fiaduta — pra schavanyja sensy «Kałasoŭ pad siarpom tvaim», uvahu siłavikoŭ da svajho rukapisu i zahadku z treciaj častkaj ramana Karatkieviča1212
Kamientary