Кандыдат філасофскіх навук, вылучэнец ад Партыі БНФ Уладзімір Падгол зарэгістраваны кандыдатам у дэпутаты. Такое рашэнне прынятае 10 жніўня на пасяджэнні камісіі Старавіленскай выбарчай акругі № 105 у Мінску.
Напярэдадні Падголу было адмоўлена ў рэгістрацыі, бо ў камісіі заявілі, што ён не пазначыў у дэкларацыі 20 акцый ААТ «Нафтан», якія нібыта яму належаць. Паводле слоў філосафа, такія акцыі яму ніколі не належалі, і ў той жа дзень ён у сувязі з інцыдэнтам накіраваў лісты генпракурору Аляксандру Канюку і старшыні Цэнтрвыбаркама Лідзіі Ярмошынай, у якіх сярод іншага запатрабаваў адстаўкі апошняй.
«Сёння прайшло пасяджэнне камісіі, прысвечанае Падголу, на якім я адмовіўся ад статусу «алігарха». Яны доўга раіліся, а потым аднагалосна прынялі рашэнне зарэгістраваць мяне кандыдатам, бо падстаў для адмовы ў іх не было», — заявіў Падгол.
Паводле слоў філосафа, пасля яго званка на «Нафтан» з просьбай аб тлумачэннях члены камісіі прызналі памылку, заявіўшы, што палічылі прыналежнымі яму акцыі яго няпоўнага цёзкі. «Яны казалі: «Гэта ж не мы, мы засумняваліся і сталі ўдакладняць, а спецслужбы пра акцыі паведамілі». Нават пайшлі па шляху пошуку двайнікоў, каб мяне не рэгістраваць», — лічыць кандыдат у дэпутаты.
Таксама зарэгістраваны актывіст прадпрымальніцкага руху Аляксандр Талстыка, які ў перыяд збору подпісаў разам з Падголам арганізаваў у сталіцы некалькі пікетаў, дзе выкарыстоўваўся незвычайны рэквізіт, напрыклад, фота Ярмошынай у клетцы або дзяржаўная сімволіка ЗША, і праходзілі перформансы.
«Талстыка таксама зарэгістраваны, прычым унікальна. У яго ў артыкуле даходаў пазначаны выйгрышы ў латарэі», — сказаў Падгол.
«Сумны горад, пра які прынята добра казаць». Расіянка раскрытыкавала Мінск — беларусы ёй іранічна падзякавалі26
Каментары