Zabarona na našeńnie parandžy, jakaja zakryvaje ŭvieś tvar, padobnaja da «zabarony pakryćcia tvaru», pryniataj u Francyi.
Ministar unutranych spraŭ Niamieččyny Tomas de Meźjer prapanuje šerah zachadaŭ dla zabieśpiačeńnia biaśpieki, u tym liku zabaronu na našeńnie chustak, jakija zakryvajuć tvary. Pra heta paviedamiła hazeta «Hardyjan» z Berlinu.
Pavodle dadzienych niamieckich ŚMI, zachady, jakija ministerstva ŭnutranych spraŭ budzie sprabavać pieratvaryć u zakon da nacyjanalnych vybaraŭ u 2017 hodzie, uklučajuć u siabie pavieličeńnie kolkaści palicyjantaŭ i videanazirańnia na vakzałach i ŭ aeraportach.
Tomas de Meźjer, jak čakajecca, pradstavić padrabiaznuju infarmacyju pra šerah inicyjatyvaŭ, u čaćvier, u chodzie aficyjnaj prezentacyi tak zvanaj Berlinskaj deklaracyi, jakuju zatym, 18 žniŭnia, razhledziać na kanferencyi ministraŭ unutranych spraŭ niamieckich ziamiel.
Raniej hety letam na poŭdni Niamieččyny adbyłasia seryja napadaŭ, u jakich pryniali ŭdzieł asoby, što šukajuć prytułku. Za dva z tych napadaŭ adkaznaść na siabie ŭziała hrupoŭka «Isłamskaja dziaržava».
Zabarona na našeńnie parandžy, jakaja zakryvaje ŭvieś tvar, i jakija nosiać niekatoryja musulmanskija žančyny, padobnaja na «zabaronu pakryćcia tvaru», pryniatuju ŭ Francyi. Hetaja miera była niadaŭna prapanavanaja Jensam Spanam, adnym z palitykaŭ pravaha kryła partyi CHDS, jakuju ŭznačalvaje Anhieła Merkiel.
«Zabarona na našeńnie poŭnaha velumu, nikaba i parandžy, pavinna była być uviedziena vielmi daŭno i stanie syhnałam da miru,» — skazaŭ hazecie Die Welt Jens Span. «Ja nie chaču sutykacca z našeńniem parandžy ŭ majoj krainie,» — zajaviŭ palityk.
Ciapier čytajuć
Jakaja łohika sudoŭ za Hajun? Mužčyna, jakoha zatrymlivali pa hetaj spravie, apisaŭ ubačanaje28
Kamientary