Raptoŭna pamior ekanamist Vital Buśko. Hruntoŭnyja pracy pa ekanamičnaj historyi Biełarusi napisaŭ. Niepieraŭzydzieny znaŭca peryjadu NEPu na našych ziemlach. Patryjot. Mieŭ advahu jašče pry savietach biełaruskuju ekanamičnuju dumku siaredziny ChICh –pačatku XX st. adasablać ad rasiejskaj, krytyčna supraćpastaŭlać jaje marksiscka-leninskim dohmam.
«Historyk» ad ekanomiki, ale bačyŭ budučyniu na dva voki. Apošnim časam daśledavaŭ najsučaśniejšyja teoryi «hramadztva pasłuhaŭ». Kansultavaŭ banki i ministerstvy. Što moh, rabiŭ, kab dziaržava naša choć adnym kołam uźbiłasia na šlach samych raźvitych krainaŭ; dzie moh stukaŭsia u kabinety i hałovy; kali ŭ hlebu, kali pa hłuchim asfalcie, ale siejaŭ, siejaŭ...
Biassrebranik. Addany navucy, ścipły ŭ pobycie i ŭ karjery (tolki hady dva tamu ŭhavaryli zaniać načalnicki fatel u Instytucie Ekanomiki AN RB), apantany spravaj «mad professor» – hramadzianstvam takich nia kožny kraj maje honar pachvalicca – redka znachodziŭ času na cyrulniu, nia toje što na zdaroŭje. Voś, loh i nie pračnuŭsia.
Chaj ža dumki i mary Buśka – supakoj, Hospadzie, dušu jahonuju – uzyjduć kaliś hustym žytam narodnaha dabrabytu. A tak i budzie, bo na toje naša ziamla śvietłyja hałovy rodzić.
Vadzim Karcaŭ
Kamientary