Łukašenka: Nie zarablać u Biełarusi moža tolki lanivy
U Biełarusi stvorany ŭsie ŭmovy dla taho, kab kožny mieŭ mahčymaść hodnaha zarobku, adnak dla hetaha nieabchodna prykładać vysiłki.
president.gov.by
Ab hetym kiraŭnik dziaržavy Alaksandr Łukašenka zajaviŭ siońnia, razmaŭlajučy z žycharami Małaryty.
«U Biełarusi tolki lanivy moža nie zarabić. My što, vajujem, vajna ŭ nas idzie ci jašče niešta? Treba prosta trochi varušycca», — skazaŭ kiraŭnik krainy.
Łukašenka adznačyŭ, što kožnamu, pierš za ŭsio, nieabchodna raźličvać na siabie. «Vy pavinny razumieć, što nichto ź niadkul hrošy nie voźmie», - skazaŭ jon.
Razam z tym jon padkreśliŭ, što dziaržava zaŭsiody akaža padtrymku tym, kamu jana sapraŭdy nieabchodnaja. «Dapamahać my budziem. Kali vy zrobicie krok, my zrobim nasustrač krok (ja maju na ŭvazie ŭsiu krainu). A kali vy budziecie, apuściŭšy ruki, siadzieć i hladzieć, što chtości vam niešta pryniasie.., to, viedajecie, dapamahajuć tamu, chto sam hetaha choča», — zajaviŭ biełaruski lidar.
Jon adznačyŭ, što ŭ płanie akazańnia dapamohi i padtrymki ŭ pryjarytecie u dziaržavy šmatdzietnyja siemji. «Dla nas demahrafičnaja biaśpieka — heta pytańnie numar adzin», — skazaŭ jon.
Jašče adna katehoryja — vajskoŭcy. «Vajskoŭcaŭ treba padtrymlivać, bo jany nie mohuć zarabić niedzie na baku», - dadaŭ kiraŭnik dziaržavy.
Kamientary