Chto vinavaty, što členy «Kłuba redaktaraŭ» bačać u internecie parnahrafičnuju rekłamu pra čyjhości muža
Hałoŭnaj temaj abmierkavańnia ŭ čarhovym «Kłubie redaktaraŭ» na «Biełaruś-1» stała… porna. Kiraŭniki dziaržaŭnych biełaruskich i rasijskich ŚMI abmiarkoŭvali hetuju źjavu, upłyŭ jaje na hramadstva, a paśla padyšli da dalikatnaha pytańnia porna-rekłamy ŭ internecie.
«Porna pralazaje ŭ haziety i na sajcie. Zaraz uziać usie našy internet-mahutnaści — ja maju na ŭvazie ŭ biełaruskim siehmiencie «baj» — i tam paŭsiul možna pabačyć najdzičejšaje dziŭnaje parnahrafičnaje paviedamleńnie pra adnaho ščaślivaha muža, vykładzienaje nastolki hniusna… Kiraŭniki hetych ŚMI tak dbajuć ab marali hramadstva i vysokich słovach… I atrymlivajecca pobač patetyčnyja paviedamleńni pra toje, što adbyŭsia mitynh, šeście, piataje-dziasiataje. I raptam — «moj muž» i tłumačeńnie», — padzialiŭsia svaim dośviedam Pavieł Jakubovič.
«Nikudy nie sydzieš ad hetaha! I jana tam mirhaje, jana bjecca!» — padtrymaŭ jaho Hienadź Davydźka.
«Voś tabie i susiedstva — vysokija słovy i nadpisy, jakija raniej byli na ścienach školnaha tualeta, a ciapier upryhožvajuć reśpiektabielnyja internet-mahutnaści. Padumać jość ab čym», — padsumavaŭ Jakubovič.
Padumać nasamreč jość ab čym. Padobnyja abvinavačvańni — sumniŭnaja rekłama parnahrafičnaha ŭchiłu — pieryjadyčna vykazvajecca jak u bok «Našaj Nivy», tak i inšych partałaŭ. Čałaviek, nieabaznany ŭ internecie, čaściakom nie razumieje miechanizm pracy internet-rekłamy.
Na sajcie nn.by jość błoki ź infarmacyjaj ad kankretnych rekłamadaŭcaŭ, jakija zaklučyli damovy niepasredna z «Našaj Nivaj». U inšych ža błokach adlustroŭvajecca kantekstnaja rekłama. Što heta takoje?
Pošukavyja sistemy zarablajuć hrošy, źbirajučy infarmacyju pra karystalnikaŭ — jany zapaminajuć zapyty z kampjutara, i nadalej čałavieku rekłamujecca tolki toje, što jamu cikava, što jon sam šukaje ŭ internecie.
Kali karystalnik, naprykład, šukaje kvitki ŭ Paryž, Huhł ci Jandeks zapaminaje jahony pošukavy zapyt. I ŭ błokach kantekstnaj rekłamy budzie prapanoŭvać rekłamu ad avijakampanij, jakija latajuć u Paryž. Šukali sabačy korm? Na zdaroŭje, vam buduć pakazvać prapanovy zaakramaŭ.
Padobnaja situacyja i z pornarekłamaj. Šukaŭ «haračych mułatak» ci «čužoha muža» — buduć vam i haračyja mułatki, i čužy muž. Pavodle praviłaŭ kantekstnaj rekłamy surjoznych pošukavikaŭ takija «18+»-spasyłki musiać błakavacca. Ale spraktykavanyja prahramisty rekłamnych kampanij znachodziać mahčymaść abychodzić hetyja abmiežavańni.
Nie abaviazkova muža z mułatkami šukali niepasredna vy. Kali ŭ vas ahulny IP-adras z kaleham, to razumnaja mašyna budzie ŭličvać zapyty abodvuch.
Jość jašče i imaviernaść tak zvanaha «rekłamnaha virusa» na kampjutary. Tady varta pravieryć kampjutar antyvirusam. Moža, tady hniusnaje paviedamleńnie pra muža źniknie. A moža, i zastaniecca, jak i vašyja kvitki ŭ Paryž, i vaš sabačy korm. «Naša Niva» tut dakładna ni pry čym.
Anžalika Mielnikava paśla źniknieńnia nabyła dźvie kvatery ŭ Minsku90
Anžalika Mielnikava paśla źniknieńnia nabyła dźvie kvatery ŭ Minsku
«Ź piaci varyjantaŭ try kvatery zdavalisia tolki hramadzianam Biełarusi». Rasijanie pierajechali ŭ Homiel paśla ataki USU na Bransk — što ich dzivić?2323
Kamientary