Prydumali jašče adzin sposab vyjavić adbitki palcaŭ na miescy złačynstva
Novaja technałohija dazvalaje adnavić toje, što raniej ličyłasia biezzvarotna stračanym. Heta moža istotna źmianić padychody da rasśledavańniaŭ, źviazanych z ahniastrelnaj zbrojaj.
Doŭhi čas u kryminalistycy ličyłasia, što streł całkam źniščaje ślady palcaŭ. Vysokaja tempieratura, cisk i hazy, jakija ŭźnikajuć pry strele, nibyta likvidujuć usie bijałahičnyja reštki. Tamu złačyncy mahli pakidać hilzy na miescy złačynstva, nie bajučysia identyfikacyi.
Adnak, jak paviedamlaje Science Alert, daśledčyki z Univiersiteta Mejnuta (Irłandyja) prapanavali novy padychod, jaki stavić hetaje ŭjaŭleńnie pad sumnieŭ.
Jany raspracavali elektrachimičny mietad, jaki dazvalaje vizualizavać adbitki palcaŭ na łatunnych hilzach navat paśla strełu.
Mietad zaklučajecca ŭ tym, što łatunievuju hilzu źmiaščajuć u elektrachimičnuju jačejku sa śpiecyjalnym rastvoram. Kali padajecca nievialikaje napružańnie, rečyvy z rastvoru pryciahvajucca da jaje pavierchni i asadžvajucca pamiž linijami adbitka. Heta dazvalaje atrymać vyrazny, vysokakantrasny malunak, jaki stanovicca bačny ŭžo praź niekalki siekund.
U adroźnieńnie ad tradycyjnych sposabaŭ novaja technałohija nie patrabuje taksičnych rečyvaŭ abo składanaha abstalavańnia. Jana vykarystoŭvaje biaśpiečnyja palimiery i minimalnuju kolkaść enierhii, što robić jaje pierśpiektyŭnaj dla vykarystańnia ŭ palavych umovach.
Padčas vyprabavańniaŭ mietad dazvoliŭ vyjavić adbitki navat na hilzach, jakija zachoŭvalisia da 16 miesiacaŭ. Heta adkryvaje mahčymaść pierahladu starych kryminalnych spraŭ, dzie raniej nie ŭdavałasia atrymać takija dokazy.
Daśledavańnie pakul skancentravana na łatunnych hilzach — samym raspaŭsiudžanym materyjale i adnačasova adnym z samych składanych dla vyjaŭleńnia adbitkaŭ. Adnak navukoŭcy miarkujuć, što technałohiju možna adaptavać i dla inšych mietaličnych pavierchniaŭ.
Siońnia analiz hilzaŭ dazvalaje ŭ asnoŭnym źviazać ich z kankretnaj zbrojaj. Novy mietad moža pajści dalej — i dać mahčymaść identyfikavać čałavieka, jaki zaradžaŭ zbroju.
Aŭtary adznačajuć, što ich technałohija patrabuje dadatkovaj pravierki pierad ukaranieńniem u praktyku pravaachoŭnych orhanaŭ. Ale kali jaje efiektyŭnaść paćvierdzicca, jana moža stać sapraŭdnym praryvam u kryminalistycy.
«Miesiacami ŭ kabinie, na siabie zabiŭ. I staŭ pytać: moža, žonka taksama budzie pracavać?». Čamu emihracyja raźbivaje siemji i što rabić, kab usio papravić3434
Kamientary
Vsiehda tak diełaju.