Google zapuskaje mabilny servis pošuku spadarožnikaŭ — kankurenta Uber
Google maje namier vosieńniu zapuścić kankurenta anłajn-servisu pošuku spadarožnikaŭ, jaki zmoža kankuryravać z Uber i Lyft, piša WSJ. Dla hetaha budzie vykarystana navihacyjny dadatak Waze.
Pa dadzienych haziety, spačatku Google zapuściła piłotny prajekt tolki dla svaich supracoŭnikaŭ kala štab-kvatery ŭ Kalifornii. Jon dazvalaje pry dapamozie dadatka Waze šukać spadarožnikaŭ.
Jak raspavioŭ surazmoŭca haziety, hetaj vosieńniu kampanija maje namier zapuścić prahramu dla karystalnikaŭ Waze ŭ San-Francyska, štat Kalifornija. Jana taksama płanuje pašyryć servis, kali toj budzie mieć pośpiech.
Adroźnieńnie Waze ad Uber i Lyft, jak adznačaje WSJ, zaklučajecca ŭ tym, što pieršy dazvalaje kiroŭcam znajści tolki tych pasažyraŭ, z kim im pa šlachu. Akramia taho, servis praduhledžvaje nizkija taryfy. Meta — źnizić imaviernaść, što kiroŭcy buduć padpracoŭvać u jakaści taksistaŭ.
U San-Francyska zarehistravacca ŭ jakaści kiroŭcy zmoža luby miascovy karystalnik. Adnak jaho klijentura abmiažujecca 25 tysiačami pasažyraŭ — majucca na ŭvazie supracoŭniki niekalkich firmaŭ, uklučajučy Google, Wal-Mart i Adobe. Pry dapamozie Waze možna budzie ździejśnić tolki dźvie pajezdki, jak miarkujecca, na pracu i z pracy.
Google kupiła izrailski servis Waze, jaki dazvalaje adsočvać situacyju na darohach u režymie realnaha času i prakładvać najbolš aptymalnyja maršruty, u 2013 hodzie. Servis naličvaje 65 młn aktyŭnych karystalnikaŭ.
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał33
Kamientary