«Azoŭ» vyvodziać z Maryupala. Biełarusaŭ na linii ŭkrainska-rasijskaha frontu nie zastaniecca
Nacyjanalnaja hvardyja Ukrainy abvieściła pra pieradysłakacyju dobraachvotnickaha pałka «Azoŭ» z Maryupala ŭ susiedniuju Zaparožskuju vobłaść.
«Hramadzianski korpus», što isnuje pry «Azovie», adkazaŭ akcyjami pratestu: maŭlaŭ, rychtujuć zdaču Maryupala. Adnak heta, chutčej, prajava ŭnutryŭkrainskaj palityčnaj baraćby, u jakuju na adnym z bakoŭ uciahnuty i «Azoŭ».
Dla Biełarusi hetaja navina tym bokam, što razam z «Azovam» apošnija biełarusy pakinuć liniju frontu.
«Azoŭ» — adno z dobraachvotnickich farmiravańniaŭ, jakija adyhrali najvažniejšuju rolu ŭ abaronie niezaležnaści i cełasnaści Ukrainy ŭ 2014—2015. Dobraachvotniki pry hetym panieśli i najciažejšyja straty.
«Azoŭ» admietny tym, što ŭ im vajavała najbolš biełarusaŭ, što pryjechali na dapamohu Ukrainie (REPARTAŽ NN MOŽNA PRAČYTAĆ TUT). Nichto ź ich nie zahinuŭ.
U toj ža čas akurat «Azoŭ» abvinavačvali ŭ prysutnaści šmatlikich ultrapravych.
U 2014-m «Azovu» ŭdałosia adbić u prarasijskich sił Maryupal, klučavy pramysłovy centr na ŭźbiarežžy Azoŭskaha mora.
Dobraachvotnickija pałki i bataljony paźniej uvajšli ŭ skład Nacyjanalnaj hvardyi Ukrainy. Nachvardyja była stvorana na asnovie Unutranych vojskaŭ.
«Navat jaho prychilniki zrazumieli, što žyć jak raniej užo nie atrymajecca». Biełarusy raskazali pra atmaśfieru ŭ krainie napiaredadni vybaraŭ8
Kamientary