Na 8 z 20 staličnych vybarčych akruhach kandydat-pieramožca nabraŭ mienš za 50%.
Najmienšaja padtrymka nibyta była ŭ Hanny Kanapackaj z AHP, jakaja stała deputatkaj z vynikam 23,7%. Pry hetym «suprać usich» prahałasavali 27% vybarcaŭ.
Chto z praŭładnych kandydataŭ-pieramožcaŭ pakazaŭ najhoršyja vyniki, pavodle padlikaŭ vybarčych kamisij?
Na Staravilenskaj akruzie №105 u Iryny Darafiejevaj tolki 39,3% hałasoŭ. Uśled za joj u pratakoły zapisali eks-kandydata ŭ prezidenty Viktara Ciareščanku (17,6%). A voś jurysta Andreja Kozika, syna byłoha kiraŭnika prafsajuzaŭ, pastavili na apošniaje miesca — tolki 6,4%.
Ambasadar u Aŭstryi Valer Varaniecki źjaviŭsia na Śvisłackaj akruzie №94 u apošni momant. Siarod pieramožcaŭ tolki Kanapackaja i jon nie źbirali podpisy ŭ svaju padtrymku.
U Varanieckaha 40,7% hałasoŭ, na druhim miescy tam Aleh Hajdukievič (19%), jaki da apošniaha vieryŭ, što jaho puściać u parłamient.
Pa toj ža akruzie bałatavaŭsia «samy bahaty kandydat» Maksim Krupiejčanka, ale jaho i jahonyja miljardy pastavili na pieradapošniaje miesca (2,8%). Nižej zapisali tolki Juryja Chaščavackaha, jakomu nie daravali rezki vystup na telebačańni. Za režysiora ahułam nibyta prahałasavali tolki 144 čałavieki (0,4%).
Ciapier čytajuć
Ryta Dakota ŭpieršyniu raspaviała, za što biełaruskija siłaviki schapili jaje maci ŭ 2022 hodzie1
Ryta Dakota ŭpieršyniu raspaviała, za što biełaruskija siłaviki schapili jaje maci ŭ 2022 hodzie
«Ź piaci varyjantaŭ try kvatery zdavalisia tolki hramadzianam Biełarusi». Rasijanie pierajechali ŭ Homiel paśla ataki USU na Bransk — što ich dzivić?2929
Kamientary