Zdaroŭje77

Ankołah: Padčas skryninhu ŭdajecca papiaredzić uźniknieńnie 80% vypadkaŭ niekatorych vidaŭ raku

Padčas skryninhu ŭdajecca papiaredzić uźniknieńnie 80% vypadkaŭ raku šyjki matki i kałarektalnaha raku, paviedamiŭ namieśnik dyrektara pa navukovaj pracy RNPC ankałohii i miedycynskaj radyjałohii imia Alaksandrava Siarhiej Krasny na pres-kanfierencyi ŭ Minsku 27 vieraśnia. Pavodle jaho słoŭ, heta adbyvajecca za košt vyjaŭleńnia i svoječasovaha lačeńnia pieradpuchlinnych zachvorvańniaŭ.

Krasny adznačyŭ, što pry skryninhu (abśledavańnie zdarovych ludziej adpaviednaha ŭzrostu) rak pieršaj i druhoj stadyj vyjaŭlajuć u 80% vypadkach, a ŭ krainie ŭ cełym — nie bolš jak u 60% vypadkach. Krasny padkreśliŭ, što na pieršaj stadyi raku «vyžyvalnaść imkniecca da 100%».

Dla prafiłaktyki raku i vyjaŭleńnia puchlin ŭ pačatkovaj stadyi ŭ Biełarusi raspracavanyja prahramy skryninhu małočnaj załozy, prastaty, šyjki matki, toŭstaj kiški i lohkaha. Hetyja łakalizacyi, skazaŭ Krasny, achoplivajuć bolš za 50% vypadkaŭ złajakasnych utvareńniaŭ.

Arhanizacyja skryninhu zojmie niekalki hadoŭ. «Zvyčajna hety praces raźličany na 10—20 hadoŭ, adnak my budziem ruchacca chutčej, bo abapirajemsia nie tolki na svoj vopyt, ale i na najlepšyja suśvietnyja anałahi», — skazaŭ namieśnik dyrektara RNPC.

Jon adznačyŭ, što arhanizacyja skryninhu rakavych zachvorvańniaŭ (kałarektalnaha raku, šyjki matki, małočnaj załozy i prastaty) praduhledžanaja dziaržprahramaj «Zdaroŭje naroda i demahrafičnaja biaśpieka Respubliki Biełaruś» na 2016—2020 hady.

«Piłotnyja prajekty pa skryninhu dali dobryja vyniki, — skazaŭ Krasny. — I ŭ Biełarusi na arhanizacyju skryninhu vydzielenyja značnyja srodki».

Nahadajem, hałoŭny pazaštatny ankołah Ministerstva achovy zdaroŭja Aleh Sukonka paviedamiŭ 15 červienia na IX źjeździe ankołahaŭ i radyjołahaŭ krain SND i Jeŭrazii, što pryblizna 100 młn dołaraŭ buduć vydzielenyja ź biudžetu Biełarusi ŭ najbližejšyja piać hadoŭ na skryninhavyja prahramy pa vyjaŭleńni raku. Sukonka padkreśliŭ, što skryninh źjaŭlajecca najbolš pierśpiektyŭnym šlacham pavyšeńnia efiektyŭnaści ankałahičnaj dapamohi i rańniaj dyjahnostyki raku, tamu tak važna stvarać u krainie skryninhavyja centry, dzie buduć abśledavać ludziej z hrup ryzyki.

Kamientary7

«Najčaściej da nas na kantrol prychodziła Dryha». Były akcior RTBD — pra cenzuru ŭ teatry, novaha ministra kultury i zdymki ŭ polskaj rekłamie2

«Najčaściej da nas na kantrol prychodziła Dryha». Były akcior RTBD — pra cenzuru ŭ teatry, novaha ministra kultury i zdymki ŭ polskaj rekłamie

Usie naviny →
Usie naviny

Jedu na kancert Karža ŭ Varšavu — u mianie nie budzie prablem u Biełarusi?8

U Krasnadarskim krai — ekałahičnaja katastrofa paśla raźlivu mazutu z zatanułych tankieraŭ1

Jahoraŭ pierapadličyŭ sumu, jakaja pajšła biznesu z dapamohi Jeŭrasajuza: Heta mienš, čym ja kazaŭ raniej, ad siły 4-7%31

Nie paśpieła kraina adyści ad akcyi «Nado!», jak pačaŭsia novy respublikanski fłešmob «Pad ściaham krainy»11

Momant padryvu ŭ Maskvie hienierała i jaho adjutanta trapiŭ na VIDEA6

Padčas vizitu na Korsiku Papa Francišak aśviaciŭ picu FOTAFAKT

Što za zahadkavyja drony rajami lotajuć nad ZŠA?2

Samaha darahoha ŭkrainskaha futbalista złavili na dopinhu

Siłaviki nie znajšli abrazy Volhi Bondaravaj u vykazvańniach błohiera Vadimati2

bolš čytanych navin
bolš łajkanych navin

«Najčaściej da nas na kantrol prychodziła Dryha». Były akcior RTBD — pra cenzuru ŭ teatry, novaha ministra kultury i zdymki ŭ polskaj rekłamie2

«Najčaściej da nas na kantrol prychodziła Dryha». Były akcior RTBD — pra cenzuru ŭ teatry, novaha ministra kultury i zdymki ŭ polskaj rekłamie

Hałoŭnaje
Usie naviny →