Prezident Paŭdniovaj Karei nie pryjšoŭ na dopyt. Jaho mohuć aryštavać
Prezident Paŭdniovaj Karei Jun Sok Jol, paŭnamoctvy jakoha prypynienyja ŭ vyniku impičmientu, nie pryjšoŭ na dopyt va ŭpraŭleńnie antykarupcyjnych rasśledavańniaŭ u dačynieńni da vysokapastaŭlenych čynoŭnikaŭ pa spravie ab miaciažy.
Jaho raspačali z-za ŭviadzieńnia vajennaha stanovišča ŭ krainie. Pra heta paviedamlaje «Renchap».
Pa źviestkach ahienctva, jon pavinien byŭ źjavicca ŭ ofis kiravańnia a 10-j ranicy. Raniej abjadnanaja śledčaja hrupa biespaśpiachova sprabavała pieradać pozvy praz kancylaryju prezidenta i pa pošcie. U Sakrataryjacie i słužbie biaśpieki Jun Sok Jola nie stali ich prymać, matyvavaŭšy heta adsutnaściu adpaviednych paŭnamoctvaŭ.
Kiraŭnik upraŭleńnia antykarupcyjnych rasśledavańniaŭ zajaviŭ, što pozvu adchilili «naŭmysna». Jon nie vyklučyŭ, što śledstva moža zapytać ordar na aryšt prezidenta abo paŭtorna pravieści dopyt.
14 śniežnia parłamient Paŭdniovaj Karei z druhoj sproby prahałasavaŭ za adchileńnie prezidenta krainy Juna ad pasady.
Kamientary