Karatkievič padtrymała Źmitra Daškieviča ŭ spravie bieł-čyrvona-biełaha ściaha
U sieradu Taćciana Karatkievič i aktyvisty «Havary praŭdu» pastavili podpisy za nadańnie bieł-čyrvona-biełamu ściahu statusa historyka-kulturnaj kaštoŭnaści, paviedamlaje pres-słužba arhanizacyi
Jak viadoma, hramadskija aktyvisty na čale sa Źmitrom Daškievičam « zaraz štodnia pravodzić dziela hetaha pikiet na stancyi mietro «Kastryčnickaja».
Taćciana Karatkievič prakamientavała, čamu aktyvisty kampanii padpisvajucca za biełaruski nacyjanalny ściah:
- Pa-pieršaje, my vystupajem za adzinstva razumieńnia našaj historyi. Uładzie i značnaj častcy hramadstva treba ŭrešcie zrazumieć i pryznać: bieł-čyrvona-bieły ściah maje daŭnija karani, heta histaryčny biełaruski simvał. Pad im atrymała niezaležnaść i sučasnaja Respublika Biełaruś. Nadyjšoŭ čas parazumiecca i pakłaści kaniec idejnym sprečkam. Naš staradaŭni ściah treba pryznać historyka-kulturnaj kaštoŭnaściu, jak i hierb «Pahonia».
«Chaču adznačyć i nastupnaje. Kab naš ściah byŭ hodna ŭšanavany, patrebna sapraŭdy krapatlivaja i vialikaja praca ź ludźmi. Usimi srodkami, jakija jość u demakratyčnych aktyvistaŭ, prychilnikaŭ Biełaruščyny… I ŭ hetym sensie Źmicier Daškievič sa svaimi paplečnikami pakazvaje vydatny ŭzor. Ichnaja praca pa zboru podpisaŭ — prykład šmat dla kaho. U tym liku dla tych, chto nibyta «pašyraje zonu svabody», volnaha duchu svaimi epizadyčnymi małaludnymi akcyjami. A nasamreč jany tolki ŭmacoŭvajuć hramadskuju apatyju… Nie, realnaha vyniku možna dabivacca nie tannymi fokusami dziela «karcinki», a takimi voś vysiłkami, jakija štodnia my bačym na prykładzie vydatnaj kamandy Źmiciera Daškieviča», — miarkuje T.Karatkievič.
-
«Hory rastuć, nam potym hetym dychać». Žychary šmatpaviarchovika ŭ Łošycy niezadavolenyja «śniežnym susiedam»
-
Fejkavaja žurnalistka «Novoj haziety. Jevropa» sprabuje naniać na pracu viadomych biełarusaŭ — prapanovy atrymali Łosik, Rahatko
-
Za piedafiliju aryštavali vykładčyka robatatechniki z Pastavaŭ. Naličyli 17 paciarpiełych
Kamientary