Učora «Naša Niva» apublikavała hutarku z papularnym mikrabłohieram Maksimam Puškinym, jaki viadomy svaim žyćciovym piesimizmam u tvitary, čym sabraŭ 100-tysiačnuju aŭdytoryju. Siońnia na hety kont u svaim fejsbuku vykazaŭsia analityk i žurnalist Radyjo Svaboda Vital Cyhankoŭ, jaki acaniŭ fienomien maładoha błohiera.
«Dziakujučy NN daviedaŭsia pra isnavańnie biełaruskaha chłopca, u jakoha sto tysiač padpisčykaŭ u Tvitery — Maksima Puškina.
U pryncypie, mianie jak «čałavieka, jak žurnalista i jak analityka» zaŭsiody cikavić hety fenomen — papularnaści ŭ sacyjalnych sietkach. Jość dva vida papularnaści. Pieršaja, tradycyjnaja — kali papularny čałaviek u čymści lepšy za mianie. Tut prychilnaści publiki mianiajucca z časam — paety, «fiziki», kinaaktory, spartoŭcy, žurnalisty, biznesoŭcy. Ale pryncyp zastavaŭsia niaźmiennym — papularnyja ludzi vydzialalisia ŭ niejkaj sfery, rabili niešta, što nia moža rabić «zvyčajny» čałaviek. Navat «papularnyja błohiery», nad jakimi niejak pryniata ściabacca, usio ž niečym vyłučajucca — ci pišuć lepš za inšych ci biaruć niejkija niezvyčajnyja temy, rakursy.
Ale tut my majem spravu z adnosna novaj źjavaj. Papularnaść čałavieka «takoha ž jak ja». To bok papularnaść nie za «niešta», a za «ništo». Jon ničym nia lepšy, nie razumniejšy, nie jarčejšy za inšych. I heta pryciahvaje narod. Kožny jahony padpisčyk, mahčyma, hladzić na dopisy kštałtu «Siońnia kiepskaje nadvorje» albo «ja stamiŭsia» — i dumaje «I ja tak mahu!» Da taho ž nad takim persanažam praściej ściabacca. Nichto ž nie ličyć siabie lepšym futbalistam za Mesi, ale kožny čytač umoŭnaha Maksima Puškina ličyć siabie razumniejšym za jaho.
I adna parada da Maksima (pieradajcie chtości, chto nabližany da zorki). U interviju NN najbolšuju maju ŭvahu pryciahnuŭ hety pasaž — «Nie čytaju knih, niama na heta času, chacia vielmi chaču znajści jaho ci pierajści na aŭdyjoknihi».
Maksim, nia treba! Nia treba čytać knihi! Kali ty heta pačnieš — ty abaviazkova źmienišsia! Ty ŭžo nia zmožaš pisać takija prostyja tvity, jak pišaš zaraz. Knihi — heta zło, jany prymušajuć dumać i sumniavacca. Tabie heta treba?»
Ciapier čytajuć
Kaleśnikava: Ja nie razumieju, čamu Jeŭropa nie pačała pieramovy z Łukašenkam raniej za ZŠA36
Kamientary