Deputaty Pałaty pradstaŭnikoŭ na pasiadžeńni 18 kastryčnika sfarmavali składy ŭsich 14 pastajannych kamisij.
Samymi šmatlikimi — pa 12 čałaviek — stali kamisii pa mižnarodnych spravach (staršynia Valeryj Varaniecki) i pa pramysłovaści, paliŭna-enierhietyčnym kompleksie, transparcie i suviazi (Andrej Rybak).
Druhaja pa kolkaści — kamisija pa adukacyi, kultury i navucy, jakuju ŭznačalvaje Ihar Marzaluk. U jaje skład uvajšli 11 deputataŭ.
Samyja małalikija — pa piać čałaviek — kamisii pa zakanadaŭstvie (Natalla Hujvik) i pa pravach čałavieka, nacyjanalnych adnosinach i srodkach masavaj infarmacyi (Andrej Navumovič).
Pa šeść čałaviek u kamisijach pa ekanamičnaj palitycy (Uładzisłaŭ Ščepaŭ), pa žyllovaj palitycy i budaŭnictvie (Juryj Darahakupiec) i pa ahrarnaj palitycy (Jaŭhien Adamienka).
Pa siem parłamientaryjaŭ uvajšli ŭ skład kamisij pa dziaržaŭnym budaŭnictvie, miascovym samakiravańni i rehłamiencie (Leanid Cupryk), pa biudžecie i finansach (Ludmiła Dabrynina), a taksama pa pytańniach ekałohii, pryrodakarystańnia i čarnobylskaj katastrofy (Taćciana Kanančuk).
Pa vosiem čałaviek uvajšli ŭ skład kamisij pa nacyjanalnaj biaśpiecy (Valancin Michnievič), pa pracy i sacyjalnych pytańniach (Tamara Krasoŭskaja), a taksama pa achovie zdaroŭja, fizičnaj kultury, siamiejnaj i maładziožnaj palitycy (Ludmiła Makaryna-Kibak).
Aktyvistka Abjadnanaj hramadzianskaj partyi Hanna Kanapackaja ŭklučanaja ŭ skład kamisii pa ekanamičnaj palitycy, a pieršy namieśnik staršyni HA «Tavarystva biełaruskaj movy imia Franciška Skaryny» Alena Anisim — pa adukacyi, kultury i navucy. Raniej abiedźvie pradstaŭnicy demakratyčnych sił vykazvali žadańnie pracavać u hetych kamisijach.
Staršyni ŭsich parłamienckich kamisij byli vybranyja 13 kastryčnika.
Ciapier čytajuć
Kolkaść achviar vybuchu ŭ maskoŭskim elitnym restaranie na jubilei hienierała, jaki kamandavaŭ nastupam na Kijeŭ ź Biełarusi ŭ 2022-m, vyrasła da piaci čałaviek44
Kamientary