Mahiloŭski abłasny sud pakinuŭ u sile prysud suda Horackaha rajona, jaki pryznaŭ vinavatym miascovaha žychara ŭ zhvałtavańni i hvałtoŭnych dziejańniach seksualnaha charaktaru ŭ dačynieńni da małaletniaj pryjomnaj dački.
Jak paviedamili siońnia ŭ Mahiloŭskim abłasnym sudzie, padčas sudovaha śledstva było vyjaŭlena, što z 27 vieraśnia 2010 hoda pa 16 vieraśnia 2015 hoda abvinavačany rabiŭ u dačynieńni da małaletniaj pryjomnaj dački hvałtoŭnyja dziejańni seksualnaha charaktaru i jaje zhvałtavańnie, vyrablaŭ parnahrafičnyja materyjały ź jaje vyjavaj i, vykarystoŭvajučy sietku internet, demanstravaŭ hetyja i inšyja parnahrafičnyja materyjały, raźmiaščajučy ich u svaich akaŭntach.
30 žniŭnia sud Horackaha rajona pryznaŭ mužčynu vinavatym u šerahu złačynstvaŭ, u pryvatnaści ŭ raspusnych dziejańniach, vyrabie i raspaŭsiudžvańni parnahrafičnych materyjałaŭ z vyjavaj niepaŭnaletniaj, zhvałtavańni i hvałtoŭnych dziejańniach seksualnaha charaktaru. Jamu było pryznačanaje pakarańnie ŭ vyhladzie pazbaŭleńnia voli na 20 hadoŭ z adbyvańniem troch hadoŭ z pryznačanaha pakarańnia ŭ turmie, a astatniuju častku termina — u papraŭčaj kałonii va ŭmovach uzmocnienaha režymu, biez kanfiskacyi majomaści.
20 kastryčnika 2016 hoda sudovaj kalehijaj pa kryminalnych spravach Mahiloŭskaha abłasnoha suda pakinuty bieź źmienaŭ prysud suda Horackaha rajona.
U sudzie Horackaha rajona sprava słuchałasia za začynienymi dźviaryma.
Dvajniki viadomych biełarusaŭ. I nie kažycie, što nie zadumvalisia pra ich padabienstva12
Dvajniki viadomych biełarusaŭ. I nie kažycie, što nie zadumvalisia pra ich padabienstva
«Lilit, vy śviatło jaho žyćcia». Ranicaj 1 studzienia minčuk zrabiŭ prapanovu svajoj dziaŭčynie ŭ samalocie «Biełavija» na vyšyni 10 tysiač mietraŭ3030
Kamientary