U čaćviortym pa vieličyni horadzie Rasii VIČ pierajšoŭ u stadyju epidemii
U Jekaciarynburhu, centry Urała, abviaścili epidemiju VIČ. Infiekcyja nabyła tut takoje pašyreńnie, što jaje raspaŭsiud bolš amal nie zaležyć ad hrup ryzyki.
VIČ-infiekcyjaj zaražany, jak minimum, kožny 50-y žychar horada. U Jekaciarynburhu zarehistravana 26.693 vypadki infiekcyi. Heta tolki tyja vypadki, jakija aficyjna viadomyja — realnaja ličba zaŭsiody vyšejšaja. U tym liku, na ŭliku stajać 774 dziciaci ź VIČ.
Pa stanie na viasnu 2016 hoda ŭžo ŭ 20 rasijskich rehijonach bolš za 1% ciažarnych źjaŭlajucca VIČ-infikavanymi. Zhodna z kryterami SAAZ i UNAIDS, heta śviedčyć ab najvyšejšaj stadyi epidemii. Najbolš ciažkija rehijony — heta Samarskaja i Śviardłoŭskaja vobłaści. Toje samaje robicca ŭ Ciumienskaj vobłaści, u Chanty-Mansijskaj aŭtanomnaj akruzie, kudy vyjechali na zarobki niamała biełarusaŭ, i ŭ blizkich da Biełarusi Leninhradskaj dy Ćviarskoj abłaściach.
Usiaho ŭ Rasii naličvajecca bolš za 1 młn VIČ-infikavanych.
Pry naviedvańni epidemičnych rehijonaŭ treba być vielmi aściarožnymi ŭ kantaktach, a taksama paźbiahać špitalizacyi bieź pilnaj patreby.
Kamientary