Płyŭčycha Hierasimienia supracoŭničaje ź bijaenierhietykam, jaki zdymaje ź jaje suroki FOTA
Znakamitaja biełaruskaja płyŭčycha Alaksandra Hierasimienia raspaviała by.tribuna.com pra svajo supracoŭnictva ź bijaenierhietykam Siarhiejem Kaśjanienkam. Spartsmienka skazała, što ź jaho dapamohaj rychtujecca da spabornictvaŭ i raskryvaje svoj unutrany patencyjał. Hałoŭnym plusam takoha supracoŭnictva Hierasimienia nazyvaje toje, što praca hruntujecca nie na farmakałahičnych mietadach.
Parady bijaenierhietyka dapamahajuć Alaksandry nie tolki ŭ sporcie, ale i ŭ zvyčajnym žyćci. Hety daradca zajmajecca źniaćciem błokaŭ, jakija zvyčajna nazyvajuć surokami. Spartsmieny vielmi adčuvalnyja da ludziej ź niehatyŭnaj enierhietykaj, pierakananaja biełaruskaja płyŭčycha.
Što tyčycca apłaty pracy bijaenierhietyka, to kankretnaha adkazu Hierasimienia nie daje. Pry hetym jana kaža, što jaje małady čałaviek, Jaŭhien Curkin, nie vielmi dobra stavicca da hetaha supracoŭnictva.
Były hałoŭny trenier zbornaj Biełarusi pa płavańni Dźmitryj Mancevič taksama nie ŭchvalaje takija zachapleńni alimpijskaj pryziorki i ličyć, što Alaksandru treba ratavać. Pa słovach śpiecyjalista, znajomstva Hierasimieni ź bijaenierhietykam Kaśjanienka adbyłosia ŭ 2012 hodzie ŭ aeraporcie. Čałaviek, jakoha trenier zbornaj nazyvaje «šamanam», chacieŭ uvajści ŭ zbornuju krainy i ŭpłyvać na rašeńni śpiecyjalistaŭ, ale jaho nie padpuścili da kamandy.
U žniŭni ź Dźmitryjem Mancevičam nie praciahnuli kantrakt paśla rezkich vykazvańniaŭ Hierasimieni pra atmaśfieru ŭ kamandzie i padychody treniera da pracy.
Kamientary