U rajonie opiernaha teatra ŭ Minsku metazhodna stvaryć piešachodnuju vulicu mastactvaŭ. Takoje mierkavańnie vykazaŭ u čas kruhłaha stała ŭ pres-centry BiełTA, pryśviečanaha budučyni starych kvartałaŭ Minska, hałoŭny architektar UP «Minskhrada» Alaksandr Akienćjeŭ.
«Mnohija maje kalehi kanstatujuć vysoki patencyjał vulicy Čyčeryna, jakaja znachodzicca ŭ miežach tak zvanaj Asmałoŭki i aryjentavana na dvarovy fasad opiernaha teatra. Heta daje mahčymaść na ŭčastku pamiž vulicaj Kisialova i opiernym teatram sfarmavać piešachodnuju zonu sa stvareńniem atmaśfiery, źviazanaj z kulturaj i mastactvam», — adznačyŭ jon. Na dumku śpiecyjalista, najaŭnaść takoj vulicy, svojeasablivaha anałaha paryžskaha Manmartra, upryhožyć horad i napoŭnić novymi farbami haradskoje asiarodździe.
Da taho ž sam rajon Asmałoŭki, jaki raźmieščany ŭ akružeńni pomnikaŭ historyi pa ŭsim pierymietry, źjaŭlajecca sastaŭnoj častkaj turysckaj zony i nie moža być vyklučany z hetaha kantekstu, ličyć Alaksandr Akienćjeŭ.
«Heta terytoryja samaja azialenienaja ŭ miežach transpartnaha kalca. Pa sutnaści, žyłyja damy stajać amal u parku. I jaje možna pazicyjanavać jak unikalny zialony rajon z pryvabnymi dla turystaŭ abjektami, - pierakanany hałoŭny architektar «Minskhrada». — Tamu najbolš vidavočny scenaryj, i heta patrabavańnie zafiksavana ŭ hienieralnym płanie Minska i ŭ mnohich inšych dakumientach, — vyklučeńnie žyłoj funkcyi na pieršych pavierchach i vykarystańnie ich pad niejkija kramy, majsterni, mahaziny, kaviarni».
U lubym vypadku, pierš čym prymać rašeńnie ab statusie hetaj terytoryi, nieabchodna detalova prapracavać usie aśpiekty - jak historyka-kulturnyja, tak i ekanamičnyja, reziumavaŭ Alaksandr Akienćjeŭ
«Ja pavinien pazvanić našamu kurataru». Jak zavozili mihrantaŭ u Biełaruś — cikavyja detali ź pierachoplenych telefonnych razmoŭ4
Kamientary