«Tajotavody» raskazali ŭsiu praŭdu pra novuju Corolla

U kancy leta ŭ sałonie aficyjnaha dylera ŭ Biełarusi «Tajota Centr Minsk» startavali prodažy doŭhačakanaj Corolla novaha pakaleńnia. Siońnia, sustrakajučy pamaładziełaha «japonca» na darozie, pierš za ŭsio adznačaješ abnoŭleny eksterjer aŭtamabila: reśpiektabielny i dynamičny dyzajn z namiokam na spartyŭny šyk vyhladaje vielmi pryvabna. Ale što chavajecca za jarkaj źniešnaściu lehiendarnaha haradskoha siedana? Svaimi ŭražańniami ab novaj Toyota Corolla my paprasili padzialicca jaje pieršych uładalnikaŭ.

Kiryła, pierasieŭ na Toyota Corolla z KIA:

— Aŭtamabil kupili ŭ kancy žniŭnia — heta adna ź pieršych novych Toyota Corolla ŭ Biełarusi. Abjom ruchavika 1,6 ł, karobka pieradač — biezstupieńčaty varyjatar Multidrive S. Kamplektacyja «Styl» (zaŭv. — Uvachodziać takija dadatkovyja opcyi, jak piarednija supraćtumannyja fary, USB- i AUX-razdymy, aŭdyjosistema CD/MP3/WMA, lohkaspłaŭnyja dyski z šynami 205/55 R16, multyfunkcyjanalnaje rulavoje koła sa skuranym azdableńniem i padahrevam, zadnija elektraškłopadjomniki).

Prabieh na siońnia ŭžo 5 tysiač kiłamietraŭ.

Aŭtamabilem karystajusia kožny dzień, u asnoŭnym, kab dabiracca na pracu, z pracy. Tamu adnym z kryteraŭ pry vybary byŭ ekanamičny raschod paliva.

Praŭda, mienavita pa hetym punkcie ŭ svaje čakańni ja nie patrapiŭ: u apisańni havaryłasia ab raschodzie 5,2 litra. U mianie pa MKAD paśla abkatki ruchavika navat pry płyŭnaj jaździe da 90 km/h, biez rezkich razhonaŭ i tarmažeńniaŭ, atrymlivajecca ŭ siarednim 7,2 litra. Ale roźnica ŭsio roŭna adčuvajecca: raniejšy aŭtamabil z 2-litrovym ruchavikom vydatkoŭvaŭ 12 litraŭ bienzinu na «sotniu».

A voś hukaizalacyja pieraŭzyšła ŭsie spadziavańni.

Sałon — prastorny, miakkija i zručnyja siadzieńni, dla noh pasažyraŭ zzadu šmat miesca. Naohuł mašyna znutry značna bolšaja, čym možna padumać, hledziačy na jaje zvonku.

— Pamiž jakimi markami stajaŭ vybar i čamu ŭ vyniku spynilisia mienavita na Toyota Corolla?

— Pabyvaŭšy ŭ roznych sałonach, vybiraŭ pamiž «Škoda Aktavija» i «Tajota Karoła». Na kančatkovaje rašeńnie ab kupli paŭpłyvała niekalki faktaraŭ. Źniešni vyhlad aŭtamabila spadabaŭsia ŭsioj siamji, pačytali pra jaho vodhuki — taksama vielmi dobryja. Padkupiła i toje, što tut niama ničoha lišniaha, niama novych, niepravieranych rečaŭ, u jakich možna było b sumniavacca: ruchavik, padvieska — dosyć prostyja, karobka pieradač varyjatar choć i słužyć mienš za miechaničnuju, ale na moj viek chopić…

— Jakija klučavyja pieravahi novaj Toyota Corolla vy b adznačyli?

— Nadziejnaść, cikavy dyzajn i dobryja vodhuki.

— Dla jakich kiroŭcaŭ padychodzić hety aŭtamabil?

— Dla razumnych. «Karoła» nie biareš dziela šalonaj dynamiki abo lišnich «pantoŭ». Heta dosyć zručnaja, stylovaja i ekanamičnaja mašyna dla darosłych ludziej.

— Vy b paraili kupić novuju Toyota Corolla svajmu najlepšamu siabru?

— Tak. Času z kupli prajšło niašmat, ale pakul mianie mašyna nie rasčaravała. Ja ŭsim zadavoleny.

Śviatłana, «tajotavod» sa stažam bolš za 10 hadoŭ:

— Novuju Toyota Corolla, pieršuju, jakaja źjaviłasia ŭ kolery «čyrvony pierłamutr», my kupili ŭ kastryčniku hetaha hoda. Kamplektacyja «Styl». Bienzinavy ruchavik 1,6 litra, karobka pieradač — «aŭtamat» (zaŭv. — Biesstupieńčaty varyjatar Multidrive S). Heta ŭžo treciaja Toyota ŭ našaj siamji: raniej była Corolla starejšaha pakaleńnia i Yaris.

U nas u siamji dva aŭtamabili. Svaim ja karystajusia štodnia, bo pracuju za horadam, kudy na mietro nie dajechać, plus dvoje maleńkich dziaciej, jakich treba vazić na hurtki.

Raschod novaj mašyny mianie zadavalniaje: u siarednim vychodzić krychu bolš za 8 litraŭ u źmiašanym režymie.

Paśla restajlinhu Corolla asabliva mianie paradavała i pryjemna ździviła svaim unutranym azdableńniem i dyzajnam. Niahledziačy na toje, što heta nie luksavy aŭtamabil, usio ŭ im vyhladaje całkam hodna. Bo «japoncy» raniej byli krychu strymanyja ŭ hetym płanie.

— Pamiž jakimi markami stajaŭ vybar i čamu ŭ vyniku spynilisia mienavita na Toyota Corolla?

— Ja vielmi chacieła «Mazdu», ale ŭ vyniku my ŭsio ž taki vybrali aŭto, u jakim možam być upeŭnieny. Bo Toyota — nie taja mašyna, ź jakoj ty budzieš častym hościem na STA. Svaje aŭtamabili b/u my pradavali ŭ vielmi dobrym stanie, nie majučy za ŭvieś čas ekspłuatacyi surjoznych prablem i pałomak. U «Tajota Centr Minsk» zajechali z mužam, možna skazać, vypadkova, bo navat nie raźličvali na takuju sumu pakupki, chacieli nabyć mašynu trochi tańniejšuju. U sałonie apynułasia šmat vartych novych varyjantaŭ, i my ŭsio ž taki advažylisia na hetuju kuplu.

— Jakija klučavyja pieravahi novaj Toyota Corolla vy b adznačyli?

— Nadziejnaść, razumnyja suadnosiny «cana-jakaść». Heta aŭtamabil, jaki nie padviadzie.

— Dla jakich kiroŭcaŭ padychodzić hety aŭtamabil?

— Razumnyja i prahmatyčnyja ludzi z vyšejšaj adukacyjaj. Novaja Toyota Corolla dla ludziej, jakija chočuć skazać: «Ja ŭžo čahości dasiahnuŭ u žyćci, ciapier mahu sabie dazvolić voś taki pradstaŭničy aŭtamabil, ale mnie jość kudy raści».

— Vy b paraili kupić novuju Toyota Corolla svajoj najlepšaj siabroŭcy?

— Tak, choć i razumieju, što ŭ kožnaha čałavieka jość ułasnyja stereatypy pra tuju ci inšuju marku aŭtamabila. Ździajśniajučy svaju kuplu, ja kiravałasia ŭłasnym dośviedam i vielmi zadavolena vybaram.

Andrej, źmianiŭ try pakaleńni aŭtamabilaŭ Toyota:

Pavialičyć

— Ciapier u mianie Toyota Corolla 2014 hoda. Bienzinavy ruchavik 1,6 litra, miechaničnaja karobka pieradač. Aŭtamabil vybiraŭ, u asnoŭnym, dla štodzionnych pajezdak pa horadzie. Kamplektacyja — «Styl Plus» (zaŭv. — Uvachodziać takija dadatkovyja opcyi, jak śviatłodyjodnyja fary blizkaha i dalokaha śviatła i śviatłodyjodnyja dzionnyja chadavyja ahni, kamiera zadniaha vidu sa statyčnymi linijami raźmietki, multymiedyjnaja sistema Toyota Touch 2 z funkcyjaj prakrutki mieniu Flick Function, kalarovy sensarny dysplej 7 «na centralnaj kansoli, dvuchzonavy klimat-kantrol).

Da hetaha ŭ mianie było jašče dźvie «Tajoty», apošniaja ź ich — taksama Corolla. Mnie padabajucca japonskija mašyny, ich dyzajn, erhanomika, nadziejnaść. Akramia taho, u Toyota samy vysoki reštkavy košt. Dla mianie heta važna. Zaraz čakaju novuju Toyota Corolla, a svaju zdaju ŭ zalik i jašče atrymlivaju źnižku kala 2 500 BYN. Uvohule, ja vielmi zadavoleny.

U cełym, niahledziačy na davoli vysoki košt, siońnia novaja Toyota Corolla kaštuje svaich hrošaj. I kali abrać dobruju kamplektacyju z šaści dastupnych, to techničnaje abstalavańnie i biaśpieka buduć na «vydatna». Naprykład, u majoj kamplektacyi «Styl Plus» vosiem padušak biaśpieki.

Ź minusaŭ — u majho aŭtamabila słabaja dynamika, što, viadoma, čakana ad ruchavika z takim abjomam. Zatoje vielmi pryjemny raschod paliva: pa horadzie atrymlivajecca 7,5 litra, kali chałodna — kala 8 litraŭ. A voś novaja Toyota Corolla padčas test-drajvu vielmi paradavała: dynamičnaja, lohkaja ŭ ruchu. Sałon paśla restajlinhu vielmi kamfortny. Aŭtamabil staŭ bolš doŭhim i, adpaviedna, bolš jomistym.

— Pamiž jakimi markami stajaŭ vybar i čamu ŭ vyniku spynilisia mienavita na Toyota Corolla?

— Vybiraŭ pamiž Toyota Camry, Avensis i Corolla. Ale Avensis idzie tolki na Jeŭropu i ŭ nas nie pradajecca. U darestajlinhavaj Camry niama miechaničnaj tranśmisii i raschod paliva bolšy. Tamu abraŭ Corolla.

— Jakija klučavyja pieravahi novaj Toyota Corolla vy b adznačyli?

— Nadziejnaść, vysoki reštkavy košt.

— Dla jakich kiroŭcaŭ padychodzić hety aŭtamabil?

— Dla spakojnych, uraŭnavažanych ludziej, upeŭnienych u sabie.

— Vy b paraili kupić novuju Toyota Corolla svajmu najlepšamu siabru?

— Užo paraiŭ, i siabry katajucca taksama na «Karoła». Usie zadavolenyja.

Atrymać bolš infarmacyi ab novaj Toyota Corolla i śpiecyjalnych prapanovach na aŭtamabil vy možacie ŭ sałonie aficyjnaha dylera «Tajota» ŭ Biełarusi «Tajota Centr Minsk» abo na sajcie toyota.by.

Pavialičyć

Akramia taho, vy možacie sami pierakanacca ŭ pieravazie novaj Toyota Corolla ŭ «Tajota Centr Minsk», zapisaŭšysia na test-drajv aŭtamabila pa telefonie: +37517 202 65 55 abo na sajcie toyota.by.

Pavialičyć

Tajota Centr Minsk

vuł. Arłoŭskaja, 88

T: +375 17 202 65 55

Vel: +375 29 322 27 27

MTS: +375 29 237 52 22

TAA «PrajmVebHrupp» UNP 192148761

• 0
• 0
• 0
• 0
• 0
• 0
• 0
• 0