Ursuła fon der Lajien pieraścierahła abranaha prezidenta ZŠA ad miakkaści ŭ adnosinach da Pucina. Tramp pavinien vyrazna zajavić, na jakim jon baku, paviedamlaje DW.
Ministr abarony Hiermanii zaklikaje abranaha prezidenta ZŠA Donalda Trampa zaniać žorstkuju pazicyju ŭ adnosinach da Rasii. Pra heta jana zajaviła ŭ čaćvier, 10 listapada, u efiry niamieckaha hramadska-pravavoha telekanała ZDF.
«Tramp pavinien vyrazna zajavić, na jakim jon baku: na baku zakona, suśvietnaha paradku i demakratyi, ci jamu ŭsio roŭna i jon naładžvaje svajho rodu mužčynskaje siabroŭstva», — skazała kiraŭnik Minabarony. Jana taksama dadała, što ŭ razmovach z Pucinym nielha zabyvać ni pra aneksiju Kryma, ni pra bambardziroŭki Alepa.
Akramia taho, fon der Lajien zaklikała Trampa nie stavicca da NATA jak da biznesu. «Heta nie pradpryjemstva. Heta nie toj vypadak, kali možna skazać: minułaje mianie nie chvaluje. Kaštoŭnaści, jakija my niasiom, mnie taksama nie važnyja, ja pahladžu, kolki hrošaj mahu zarabić i ci moža atrymacca vyhadnaja ździełka. Tak nie kirujuć krainaj, i heta nie pryncyp NATA», — padkreśliła jana.
Ciapier čytajuć
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary