«Kava dla Trampa». Prychilniki novaha prezidenta zładzili akcyju ŭ kaviarniach Starbucks
Prychilniki abranaha prezidenta ZŠA Donalda Trampa abviaścili praz sacyjalnyja sietki ab pratestnaj akcyi #TrumpCup ŭ kaviarniach Starbucks, paviedamlaje Bi-bi-si.
Sutnaść akcyi zaklučajecca ŭ tym, što jaje ŭdzielniki — prychilniki Tramp — zakazvajučy kavu ŭ Starbucks, nazyvajuć nie svajo imia, a imia Trampa. U vyniku, supracoŭniki kaviarniaŭ vymušanyja vykrykvać «Tramp» kožny raz, kali pryhatujuć kavu dla ŭdzielnika akcyi.
Akcyja pratestu pačałasia paśla źjaŭleńnia na hetym tydni videa, na jakim adzin z prychilnikaŭ Trampa ŭ Fłorydzie adčytvaje supracoŭnicu Starbucks, abvinavačvajučy jaje ŭ dyskryminacyi «biełych».
#trump supporter in #miami @Starbucks attacks & threatens patrons & staff bc coffee took too long, blames anti-white "discrimination" pic.twitter.com/HRj9EahrMy
Jak raspavioŭ udzielnik videa vydańniu Miami Herald, supracoŭnica kaviarni, afraamierykanka, nibyta admoviłasia jaho absłužyć praz toje, što jon «bieły» i prychilnik Trampa, pra što jana mahła zrabić vysnovu pa nalepcy na jaho aŭtamabili. Udzielnik videa ŭhledzieŭ u hetaj admovie palityčnuju i rasavuju dyskryminacyju.
Miž tym, adzin sa śviedkaŭ svarki ŭ Starbucks śćviardžaje, što hieroj videa nasamreč byŭ razdražniony tym, što jaho zakaz zanadta doŭha vykonvali, i staŭ beścić supracoŭnicu kaviarni.
Chešteh #TrumpCup, jakim karystalniki sacsietak adznačajuć pasty, chutka nabraŭ papularnaść.
Niekatoryja z udzielnikaŭ akcyi zajavili, što supracoŭniki Starbucks admaŭlalisia pisać imia Trampa na kubku z napojem. Na dumku ŭdzielnikaŭ pratestu, takim čynam byli parušanyja ich pravy.
«Na praciahu mnohich hadoŭ paznačeńnie imionaŭ na kubkach i ich ahučvańnie było viasiołym zvyčajem ŭ našych kaviarniach. Redka hetuju tradycyju parušali abo złoŭžyvali joju», — zajaviŭ pres-sakratar kampanii Starbucks, vykazaŭšy nadzieju na toje, što i nadalej naviedvalniki buduć z pavahaj stavicca da daŭniaj tradycyi.
Kamientary