Sud u Astrachani (Rasija) vynies prysud čatyrom supracoŭnikam miascovaj vybarčaj kamisii, jakija padrablali podpisy na vybarach.
55-hadovaja Valancina Maksimava, 35-hadovaja Śviatłana Hold, 30-hadovaja Maryja Alaksandrava i 29-hadovaja Alena Anisimava atrymali ŭmoŭnyja terminy za falsifikacyju vybarčych dakumientaŭ. Usie jany — rabotnicy škoły.
Valancina Maksimava.
Kab nakrucić jaŭku, staršynia kamisii zrabiła 10 kopij sa śpisu vybarcaŭ i sfarmiravała «pašyrany» śpis. A paśla jaje kalehi falsifikavali podpisy vybarščykaŭ, jakija nibyta atrymlivali biuleteni.
Praŭda, u kałoniju nie patrapić nivodnaja z parušalnic zakona. Prysudy skłali ad paŭtara da dvuch hadoŭ umoŭna z vyprabavalnym terminam na 2 hady.
Na jakich mienavita vybarach jany padrablali podpisy, nie ŭdakładniajecca. Miarkujučy pa ŭsim, havorka idzie ab vybarach deputataŭ haradskoj dumy Astrachani, jakija prajšli ŭ vieraśni 2015 hoda.
