Zakanadaŭčy schod Tajłanda aficyjna zaprasiŭ naślednaha prynca Macha Vatčyrałahkona ŭzyści na karaleŭski tron.
Pavodle aficyjnaj pracedury, spačatku kabiniet ministraŭ nakiravaŭ prapanovu dla zaćviardžeńnia ŭ parłamient krainy, zatym deputaty zakanadaŭčaha schodu ŭchvalili hetaje rašeńnie, paviedamlaje Bi-bi-si.
Jak paviedamiŭ paśla zakančeńnia pasiadžeńnia vice-premjer i ministr abarony hienierał Pravit Vanhsuvan, u bližejšyja dni novy manarch praviadzie aŭdyjencyju z premjer-ministram.
Sam Macha Vatčyrałanhkon, jakoha paśla ŭzychodžańnia na pasad buduć aficyjna nazyvać Rama Ch, nie prysutničaŭ na pasiadžeńni. Pa dadzienych ŚMI, jon znachodzicca pa-za miežami Tajłanda.
U kastryčniku va ŭzroście 88 hadoŭ pamior karol Pchumipon Aduljadet, jaki kiravaŭ krainaj 70 hadoŭ.
64-hadovy prync Macha Vačyrałanhkorn paśla pachavańnia paprasiŭ suhramadzian nie tryvožycca ab pieradačy pasadu ŭ spadčynu, ale zajaviŭ, što žadaje adkłaści svaju karanacyju prynamsi na hod.
Ciapier čytajuć
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama3131
Kamientary