U samalota BAE Avro, jaki ŭ hety paniadziełak raźbiŭsia ŭ Kałumbii, skončyłasia paliva. U ŚMI patrapiŭ zapis pieramovaŭ piłota samalota i kałumbijskaha avijadyśpietčara, paviedamlaje Bi-bi-si.
Na zapisie piłot niekalki razoŭ prosić dazvołu na pasadku z-za admovaŭ elektrapryboraŭ i niedachopu paliva.
Avijadyśpietčar daje dazvoł na pasadku. Pierad skančeńniem zapisu piłot paviedamlaje, što samalot lacić na vyšyni 2,7 km. U paniadziełak samalot upaŭ u hornaj miascovaści niedaloka ad horada Medeljin na poŭnačy Kałumbii.
U aficyjnym paviedamleńni aeraporta havaryłasia, što ekipaž paviedamlaŭ pra prablemy z ruchavikom. Kałumbijskija ŚMI taksama paviedamlali pra nizki ŭzrovień paliva.
Krynica Frans pres va ŭzbrojenych siłach Kałumbii zajaviła, što na niedachop paliva pakazvaje i toje, što ŭ samalocie nie adbyŭsia vybuch. Adnak sama pa sabie adsutnaść paliva vyhladaje padazrona.
Rasśledavańnie moža zaniać niekalki miesiacaŭ.
Jak paśla kanca śvietu. Ahrasiadzibu ŭ Salihorskim rajonie zaniesła ziamloj3
Kamientary