Rasśledavańnie kryminalnaj spravy ŭ dačynieńni da kiroŭcy MAZa, jaki abvinavačvajecca ŭ ździajśnieńni śmiarotnaha DTZ u Maładziečanskim rajonie, zavieršana, paviedamlaje pres-słužba Śledčaha kamiteta.
Nahadajem, što 29 vieraśnia ŭ Maładziečanskim rajonie na pole padčas uborki bulby hruzavym samazvałam MAZ byŭ učynieny najezd na 13-hadovuju školnicu. Ad atrymanych paškodžańniaŭ dziaŭčynka pamierła.
Śledstvam usiebakova vyvučany abstaviny kryminalnaj spravy, zaviedzienaj pa fakcie DTZ z trahičnymi nastupstvami. U ramkach rasśledavańnia zafiksavanyja pakazańni vidavočcaŭ i śviedak, praviedzieny śledčy ekśpierymient, šerah kryminalistyčnych ekśpiertyz: trasałahičnaja, aŭtatechničnaja, sudova-miedycynskija, paviedamlaje pres-słužba SK.
Śledstvam ustanoŭlena, što 26-hadovy kiroŭca paśla zakančeńnia zahruzki bulby ŭ hruzavy aŭtamabil, majučy realnuju mahčymaść nazirać u lusterka zadniaha vidu 13-hadovuju dziaŭčynku, što adździaliłasia ad hrupy dziaciej, pačaŭ ruch zadnim chodam pa raniej najezdžanaj kalainie.
Kiroŭca prajaviŭ niaŭvažlivaść i nie źviarnuŭsia pa dapamohu da paŭnaletnich asob, jakija mahli b sihnalizavać jamu pra situacyju zzadu transpartnaha srodku. Majučy techničnuju mahčymaść, jon nie pryniaŭ miery, u tym liku da źnižeńnia chutkasnaha režymu, pa harantavańni biaśpieki małaletniaha piešachoda, jakaja ŭ siłu adsutnaści žyćciovaha dośviedu nie mahła pravilna acanić darožna-transpartnuju situacyju i pieramiaščałasia pa kirunku ruchu aŭtamabila, adznačaje SK.
Parušeńnie kiroŭcam patrabavańniaŭ padpunkta 7.2 punkta 7, punkta 73, padpunkta 87.2 punkta 87, punkta 119 praviłaŭ darožnaha ruchu znachodzicca ŭ pramoj pryčynnaj suviazi z darožna-transpartnym zdareńniem i trahičnymi nastupstvami.
Kiroŭcu pradjaŭlenaje abvinavačvańnie pa č.2 art.317 (parušeńnie praviłaŭ darožnaha ruchu asobaj, jakaja kiravała transpartnym srodkam, što paciahnuła pa nieaściarožnaści śmierć čałavieka) Kryminalnaha kodeksa Respubliki Biełaruś. Abvinavačany znachodzicca pad padpiskaj ab niavyjeździe.
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary