Ab`iom ekspartu biełaruskich naftapraduktaŭ praciahvaje źmianšacca. Pavodle danych aficyjnaj statystyki, u studzieni—kastryčniku hetaha hoda ekspart naftapraduktaŭ skłaŭ u fizičnym vyražeńni 11,6 młn ton, skaraciŭšysia na 15% u paraŭnańni z takim ža pieryjadam minułaha.
U vartasnym vyražeńni ekspart naftapraduktaŭ za 10 miesiacaŭ hetaha hoda skłaŭ 3,5 młrd dołaraŭ, što na 38% mienš za anałahičny letašni pakazčyk.
U hetym hodzie Biełaruś pavialičyła pastaŭki naftapraduktaŭ u Polšču (ekspart u fizičnym vyražeńni vyras u 5,1 razu), Niderłandy (u 2,2 razu) i Ukrainu (amal u 1,5 razu). U toj ža čas u Rasiju ŭ studzieni—kastryčniku było pastaŭlena kala 259 tys. ton naftapraduktaŭ, što ŭ try razy mienš u paraŭnańni z takim ža letašnim pieryjadam.
Skaračeńnie pastavak naftapraduktaŭ u RF biełaruskija čynoŭniki tłumačyli tym, što taki ekspart niavyhadny dla Biełarusi pa cenavych mierkavańniach. U svaju čarhu Rasija, spasyłajučysia na nievykanańnie Biełaruśsiu abaviazacielstvaŭ pa pastaŭkach naftapraduktaŭ i zapazyčanaść za haz, rezka skaraciła ŭ druhoj pałovie hetaha hoda pastaŭki nafty na Mazyrski i Navapołacki NPZ.
U trecim kvartale 2016 hoda Rasija pastaviła ŭ Biełaruś tolki 3,5 młn ton nafty suprać 5,8 młn ton u pieršym kvartale i 5,7 młn — u druhim.
U kastryčniku pradstaŭniki biełaruskaha ŭrada zajaŭlali pra hatoŭnaść Biełarusi pahasić zapazyčanaść za rasijski haz u adkaz na adnaŭleńnie pastavak rasijskaj nafty ŭ raniejšych ab`iomach. Adnak naftahazavaja sprečka pamiž Maskvoj i Minskam nie ŭrehulavanaja da hetaha času. Rasija praciahvaje pastaŭlać naftu na biełaruskija NPZ u abmiežavanym ab`iomie, što pryviało da skaračeńnia ekspartu naftapraduktaŭ u paraŭnańni z 2015 hodam.
Pavodle acenak ekśpiertaŭ, skaračeńnie pastavak rasijskaj nafty akazvaje pramy ŭpłyŭ na pakazčyki biełaruskaj ekanomiki. Mižnarodny valutny fond čakaje, što VUP Biełarusi pa vynikach 2016 hoda skarocicca na 3%. Ministerstva ekanomiki Biełarusi taksama prahnazuje źnižeńnie VUP na 2,5-3%, tłumačačy heta skaračeńniem ab`iomu pierapracoŭki nafty.
Ciapier čytajuć
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku2323
Kamientary