Sprava ab žorstkim zabojstvie mužčynam rodnaj siastry ŭ Čašnickim rajonie pieradadzienaja ŭ Viciebski abłasny sud, paviedamiŭ BiełTA prakuror adździeła prakuratury vobłaści pa nahladzie za vykanańniem zakanadaŭstva ŭpraŭleńniem Śledčaha kamiteta pa Viciebskaj vobłaści Uładzisłaŭ Naryžny.
Kryvavaja siamiejnaja drama adbyłasia ŭ žniŭni 2016 hoda. Brat i siastra (abodva piensijaniery 1957 i 1955 hadoŭ naradžeńnia) pryjechali ŭ adnu ź viosak Čašnickaha rajona, kab dahladać sastarełuju maci. Ale ŭžycca razam tak i nie zmahli. Kanflikty pamiž rodnymi ludźmi ŭźnikali pastajanna i padahravalisia tym, što mužčyna złoŭžyvaŭ ałkaholem.
«Siastra pavodziła siabie ŭ domie jak paŭnavartasnaja haspadynia. Padstavy na heta ŭ jaje byli, tamu što maci adpisała svoj dom dačce. Žančyna ŭsialak abmiažoŭvała brata ŭ dziejańniach, što adnojčy pryviało da prypadku hnievu. Mužčyna nakinuŭsia na siastru z małatkom, žančyna supraciŭlałasia, joj udałosia adabrać małatok, ale jaje heta nie vyratavała. Brat dabiŭ siastru nažom. Usiaho na ciele zabitaj byli vyjaŭlenyja ślady bolš za 70 udaraŭ małatkom, nažom, rukami i nahami», — raspavioŭ prakuror.
Cieła zabitaj siastry mužčyna nakryŭ dyvanom i loh spać. Ranicaj nastupnaha dnia zabojca i sam sabraŭsia raźvitacca z žyćciom — uziaŭ nož i pajšoŭ na mohiłki, zachapiŭšy z saboj ałkahol. Tam pierad mahiłaj baćki mužčyna uskryŭ sabie vieny. Samazabojcu zaŭvažyli ludzi, i jon byŭ vyratavany.
Sastarełaja maci paśla taho, što adbyłosia, była špitalizavanaja ŭ balnicu, dzie i pamierła praź niekalki tydniaŭ.
Mužčyna abvinavačvajecca ŭ zabojstvie, učynienym z asablivaj žorstkaściu (p. 6 č. 2 art. 139 KK Biełarusi). Svaju vinu jon pryznaje.
Kamientary