Справа аб жорсткім забойстве мужчынам роднай сястры ў Чашніцкім раёне перададзеная ў Віцебскі абласны суд, паведаміў БелТА пракурор аддзела пракуратуры вобласці па наглядзе за выкананнем заканадаўства ўпраўленнем Следчага камітэта па Віцебскай вобласці Уладзіслаў Нарыжны.
Крывавая сямейная драма адбылася ў жніўні 2016 года. Брат і сястра (абодва пенсіянеры 1957 і 1955 гадоў нараджэння) прыехалі ў адну з вёсак Чашніцкага раёна, каб даглядаць састарэлую маці. Але ўжыцца разам так і не змаглі. Канфлікты паміж роднымі людзьмі ўзнікалі пастаянна і падаграваліся тым, што мужчына злоўжываў алкаголем.
«Сястра паводзіла сябе ў доме як паўнавартасная гаспадыня. Падставы на гэта ў яе былі, таму што маці адпісала свой дом дачцэ. Жанчына ўсяляк абмяжоўвала брата ў дзеяннях, што аднойчы прывяло да прыпадку гневу. Мужчына накінуўся на сястру з малатком, жанчына супраціўлялася, ёй удалося адабраць малаток, але яе гэта не выратавала. Брат дабіў сястру нажом. Усяго на целе забітай былі выяўленыя сляды больш за 70 удараў малатком, нажом, рукамі і нагамі», — распавёў пракурор.
Цела забітай сястры мужчына накрыў дываном і лёг спаць. Раніцай наступнага дня забойца і сам сабраўся развітацца з жыццём — узяў нож і пайшоў на могілкі, захапіўшы з сабой алкаголь. Там перад магілай бацькі мужчына ускрыў сабе вены. Самазабойцу заўважылі людзі, і ён быў выратаваны.
Састарэлая маці пасля таго, што адбылося, была шпіталізаваная ў бальніцу, дзе і памерла праз некалькі тыдняў.
Мужчына абвінавачваецца ў забойстве, учыненым з асаблівай жорсткасцю (п. 6 ч. 2 арт. 139 КК Беларусі). Сваю віну ён прызнае.
Цяпер чытаюць
Расійскі прадавец паспяховага поспеху паспрабаваў адкрыць філіял у Мінску. Рэакцыя беларусаў была паказальнай3
Расійскі прадавец паспяховага поспеху паспрабаваў адкрыць філіял у Мінску. Рэакцыя беларусаў была паказальнай
«Месяцамі ў кабіне, на сябе забіў. І стаў пытаць: можа, жонка таксама будзе працаваць?». Чаму эміграцыя разбівае сем’і і што рабіць, каб усё паправіць3030
Каментары