Instytut «Minskinžprajekt» raspracavaŭ dakumientacyju na budaŭnictva dźviuch ahulnaharadskich mahistralaŭ, paviedamlajuć «Minsk-Naviny».
Pieršaja mahistral budzie nasić nazvu Paŭdniovaja. Heta padaŭžeńnie vulicy Vaładźko paralelna čyhuncy da vulic Asanalijeva—Siarova. Jana vykanaje funkcyju dublora vulicy Kižavatava, a ŭ pierśpiektyvie vyjdzie na MKAD. Novaja trasa z boku čyhunki ablamoŭvaje ekśpierymientalny kompleks «Minsk-Śviet» i zabiaśpiečyć jaho transpartnaje absłuhoŭvańnie ŭ hetym kirunku. U miežach kompleksu mahistral budzie z 6 pałos ruchu, dalej — 4 pałasy. Jaje ahulnaja praciahłaść — 2 km.
U skład prajekta, akramia novaj darohi, uvachodzić taksama aŭtamabilny puciepravod praz vulicu Aeradromnuju (dva pravapavarotnyja i dva levapavarotnyja źjezdy), jaki projdzie paralelna isnujučamu čyhunačnamu mostu. Padziemny piešachodny pierachod na stancyi Minsk-Paŭdniovy padoŭžać pad mahistrallu, praduhledžana rekanstrukcyja razvarotnaha kalca aŭtobusaŭ i tralejbusaŭ na DS «Siarova». Da Paŭdniovaj mahistrali prymykaje šerah pierśpiektyŭnych vulic kompleksu «Minsk-Śviet», jaje pierasiače 3-je transpartnaje koła.
Druhoj ahulnaharadskoj mahistrallu stanie ŭ budučyni vulica Žukoŭskaha — ad Mahiloŭskaj da Kižavatava. Jaje novy adrezak zaprajektavany na terytoryi kompleksu «Minsk-Śviet» — ad vuł. Aeradromnaj da vuł. Kižavatava. Na hetym adrezku pad joj projdzie ŭčastak 3-j linii mietro, i na skryžavańni z vulicaj Prajektavanaj №3 budzie stancyja mietrapalitena «Aeradromnaja».
Architektary bačać mahistral 8-pałosnaj z 2 pałosami dla hramadskaha transpartu. Na skryžavańni z Aeradromnaj płanujecca dvuchuzroŭnievaja raźviazka typu «poŭny kaniušynavy list» z prachodžańniem Aeradromnaj źvierchu pa puciepravodzie.
Rekanstrukcyja častki vulicy Žukoŭskaha da Mahiloŭskaj i jaje dalejšaje budaŭnictva da Kižavatava dazvolać razhruzić Maskoŭskuju i Bryleŭskaj i zabiaśpiečać bolš kamfortny ruch u hetym kirunku.
Ciapier čytajuć
«Z maskalom havary, da kamień za pazuchaju dziaržy». My daviedvajemsia ŭsio bolš novaha pra Kastusia Kalinoŭskaha — palityka, jakoha ciapier nie chapaje3030
Kamientary