Na fonie ahulnaha zapavolvańnia inflacyi vyłučajucca niekatoryja pradukty.
Za apošni hod rezka padaražeła hrečka. Na siońnia ŭ kramach nie znojdzieš hrečki tańniejšaj za 2,4 rubli ŭ pieraliku za kiłahram. Ahułam ceny na jaje vahajucca ŭ pramiežku 2,4—4 rubli za kh.
Miž tym jašče ŭviesnu ceny na hrečku składali ŭ asnoŭnych handlovych sietkach 2—2,5 rubli za kh.
Ceny na hrečku zvyčajna zaležać ad jaje ŭradžajnaści na Pieraduralli, u Sibiry i Kitai, dzie vyroščvajucca asnoŭnyja abjomy hetaj zbažyny. Biełaruś vyroščvaje i svaju hrečku, ale jana zbolšaha idzie pa dziaržzamovie ŭ balnicy, škoły, internaty pa źnižanych cenach.
Vyraśli ceny i na masła. Na siońnia masła ŭ kramach nie znojdzieš tańniejšaha za 2,2 rubli ŭ pieraliku na 200 h. Ceny ahułam varjirujucca ad 2,2 da 3 rubloŭ u pieraliku za 200-hramovy pačak.
Paraŭnoŭvaju sa svaimi čekami hadavoj daŭniny: masła kaštavała tady 1,58—2,2 rubla. Takim čynam, rost cany skłaŭ kala 40% za hod.
Prykładna na stolki ž daražejšy staŭ i syr.
Praŭda, tut ciažej pravieści paraŭnańnie. Bo biełaruskija vytvorcy časta mianiajuć nazvy syroŭ i ich upakoŭku.
Ciapier ceny na ćviordy žoŭty syr, navat nie śpieły, składajuć pieravažna ad 10 da 18 rubloŭ za kh.
Ciapier čytajuć
Aleksijevič: Adno z samych mocnych uražańniaŭ u žyćci — kali ja apynułasia ŭ natoŭpie ŭ 2020 hodzie14
Kamientary