Umovy pryciahnieńnia ŭ krainu zamiežnych inviestycyj pavinny adpaviadać dziaržaŭnym intaresam. Pra heta Alaksandr Łukašenka zajaviŭ siońnia na naradzie pa pytańniach pryciahnieńnia źniešniaha finansavańnia.
Kiraŭnik dziaržavy adznačyŭ, što adnym z najvažniejšych kanałaŭ pastupleńnia kredytaŭ źjaŭlajecca bankaŭskaja śfiera. Za apošnija hady ŭ Biełarusi skłalisia dziełavyja partniorskija adnosiny z šeraham zamiežnych bankaŭ, jakija pracujuć u krainie.
«Prosta treba varušycca, hrošaj u śviecie dastatkova. Viadoma, nichto raskidvacca imi nie budzie. Ale naša kraina maje dobruju kredytnuju historyju, my nikomu nikoli nie byli vinny i nie płanujem mieć praterminavanyja kredytnyja resursy abo daŭhi, tamu treba vykarystać heta i pracavać. Pracavać i z zachodnimi bankami, i z našymi filijałami rasijskich bankaŭ. Ale pry zapazyčańni treba mieć na ŭvazie, što ekanamičnaja biaśpieka i ŭzrovień zołatavalutnych reziervaŭ — heta śviatoje, — padkreśliŭ Alaksandr Łukašenka. — Z hetych padychodaŭ treba zychodzić pry vyznačeńni metazhodnaści pryciahnieńnia zamiežnych srodkaŭ. Niejkaj honki za abjomami być nie pavinna, kab nie zaleźci ŭ nieapłatnyja daŭhi. Umovy pryciahnieńnia finansaŭ pavinny adpaviadać vyklučna dziaržaŭnym intaresam, mieć jasnyja pierśpiektyvy i meta».
Pavodle słoŭ kiraŭnika krainy, u pieršuju čarhu resursy patrebnyja realnamu siektaru. «Pytańnie nie ŭ tym, dzie ich znajści i jak. Razmova pojdzie ab kankretnych kredytach, jakija nam prapanoŭvajuć. Nie tolki my prosim u kahości (heta narmalnaja praktyka), a nam prapanoŭvajuć siońnia našy partniory. Pierš za ŭsio rasijskija banki. Nam treba abmierkavać praviły zapazyčańni, košt hetych kredytaŭ, varta ci nie varta ich brać, kudy nakiravać, — skazaŭ kiraŭnik dziaržavy. — Kali jość kankretnyja prajekty, raźliki ich realnaj akupnaści, i jany prymalnyja, treba vyrašać pytańnie ab źniešnich zapazyčańniach pad harantyi ŭrada».
Pašpart Novaj Biełarusi pačnuć vydavać z 26 studzienia. Što viadoma i jak atrymać?9
Kamientary