Supracoŭnik bierahavoj achovy, jaki staŭ vidavočcam krušeńnia samalota Tu-154 u Čornym mory, daŭ śledstvu pakazańni, jakija śviedčać na karyść viersii ab pamyłcy piłotaŭ. Pra heta paviedamlaje «Kommiersant» sa spasyłkaj na krynicy, blizkija da rasśledavańnia.
Pa słovach pamiežnika, paśla vyletu samalot staŭ nie nabirać vyšyniu, a «chutka źnižacca da pavierchni mora, jak byccam źbiraŭsia ździejśnić na jaje pasadku», pieradaje hazieta. Vidavočca raspavioŭ, što samalot lacieŭ «na nievialikaj chutkaści ź nienaturalna zadranym uhoru nosam», i paraŭnaŭ stanovišča samalota ŭ pavietry z matacykłam, pastaŭlenym na zadniaje koła.
Jak śćviardžaje śviedka, Tu-154 začapiŭ chvastom pavierchniu vady, paśla čaho chvastavaja častka advaliłasia, a fiuzielaž «abrynuŭsia ŭ chvali i chutka zatanuŭ».
«Kommiersant» piša, što apisanaja śviedkam situacyja, na dumku ekśpiertaŭ, mahła skłaścisia praz sprobu piłotaŭ «zanadta enierhična padniać mašynu ŭvierch», što pryviało da vychadu na zakrytyčnyja vuhły ataki, straty chutkaści i padjomnaj siły.
Śpiavak Dźmitryj Kałdun pakazaŭ svaju minskuju kvateru niedaloka ad Drazdoŭ ŠMAT FOTA15
Kamientary