U novym hodzie Hidramiet uviadzie novyja klimatyčnyja normy, paviedamiŭ 5 studzienia na pres-kanfierencyi ŭ Minsku načalnik słužby navukova-mietadyčnaha zabieśpiačeńnia hidramietearałahičnaha i radyjacyjna-ekałahičnaha manitorynhu i fondaŭ dadzienych Hidramieta Viktar Mielnik.
Pavodle jaho słoŭ, paciapleńnie klimatu, jakoje nazirajecca z 1989 hoda, patrabuje ŭviadzieńnia novych klimatyčnych normaŭ.
Śpiecyjalist adznačyŭ, što ŭ svaim rašeńni Hidramiet taksama kirujecca rekamiendacyjami Suśvietnaj mietearałahičnaj arhanizacyi. Novyja klimatyčnyja normy buduć charaktaryzavać paciapleńnie klimatu ŭ Biełarusi za apošnija 30 hadoŭ.
«My ličym, što ŭ pieršuju čarhu novyja normy važnyja dla pracy halin ekanomiki, asabliva ŭ budaŭnictvie, sielskaj haspadarcy, enierhietycy, — padkreśliŭ Mielnik. — Pry płanavańni svajoj dziejnaści im treba kiravacca bolš aktualnymi klimatyčnymi normami».
Jon adznačyŭ, što minuły hod vydaŭsia ciopłym, choć i nie rekordnym, jak 2015-ty. Adnak, zajaviŭ śpiecyjalist, 2016 hod paćvierdziŭ hłabalnaje źmianieńnie i paciapleńnie klimatu. Taksama pradstaŭnik Hidramieta adznačyŭ ciopłuju zimu minułaha hoda i «davoli kamfortnaje leta», jakoje paśla śpioki i zasuchi 2015 hoda dało «pieradyšku sielskaj haspadarcy».
Adkazvajučy na pytańnie ab stanie azimych, Mielnik stanoŭča acharaktaryzavaŭ śniehapady, jakija prajšli ŭ Biełarusi.
«Najaŭnaja situacyja spryjalnaja dla pasievaŭ. Płast śniehu budzie nadziejna chavać azimyja ad marazoŭ. U dvaccatych čysłach studzienia našy sietkavyja padraździaleńni zrobiać pieršyja vyroščvańni azimych kultur, i budzie viadomy pracent ich zredžanaści, — skazaŭ śpiecyjalist. — U lutym buduć praviedzieny paŭtornyja vyroščvańni».
Pavodle jaho słoŭ, pakul nijakich niespryjalnych prahnozaŭ u dačynieńni da azimych niama.
Ciapier čytajuć
Kolkaść achviar vybuchu ŭ maskoŭskim elitnym restaranie na jubilei hienierała, jaki kamandavaŭ nastupam na Kijeŭ ź Biełarusi ŭ 2022-m, vyrasła da piaci čałaviek44
Kamientary