«Pastavili pałatki, raźviali vohniščy». MUS paćvierdziła zatrymańnie 350 čałaviek pad Rasonami. Znajšli i arhumient: «Mnohija ŭ hołym vyhladzie pierad małaletnimi»
Siłaviki zajavili pra prypynieńnie «niesankcyjanavanaha turźlotu» amataraŭ ruchu Rainbow Family kala miascovaha voziera. Pavodle aficyjnaj viersii, milicyju vyklikali z-za «šumnaha mierapryjemstva z hučnaj muzykaj i pałatačnym łahieram».
Pa słovach siłavikoŭ, u źlocie ŭdzielničali bolš za 300 čałaviek, siarod jakich byli inšaziemcy i niepaŭnaletnija.
Arhanizatarami źjezda nazvali 23‑hadovuju minčanku i 52‑hadovaha minčuka, ich zatrymali.
«Na liniju 102 pastupiła paviedamleńnie, što na bierazie voziera pravodzicca šumnaje mierapryjemstva ź vialikaj kolkaściu ŭdzielnikaŭ. Prybyŭšy na miesca, supracoŭniki milicyi vyjavili bolš za 300 hramadzian, siarod jakich byli zamiežniki i niepaŭnaletnija.
Tyja, chto sabraŭsia, ustalavali pałatki, raspalili vohniščy i zładzili hulańni z hučnaj muzykaj i vykarystańniem atrybutyki roznych relihijnych płyniaŭ. Mnohija ź ich znachodzilisia ŭ aholenym vyhladzie ŭ prysutnaści małaletnich dziaciej», — havorycca ŭ paviedamleńni, raspaŭsiudžanym MUS.
Pavodle infarmacyi siłavikoŭ, u dačynieńni da ŭdzielnikaŭ raspačali administracyjny praces pavodle art. 24.23 KaAP (parušeńnie paradku arhanizacyi abo praviadzieńnia masavych mierapryjemstvaŭ).
Ciapier čytajuć
Voś jakoje charastvo za 40 miljonaŭ dalaraŭ pradaje siabar-trenier Łukašenki1
Voś jakoje charastvo za 40 miljonaŭ dalaraŭ pradaje siabar-trenier Łukašenki
«Pastavili pałatki, raźviali vohniščy». MUS paćvierdziła zatrymańnie 350 čałaviek pad Rasonami. Znajšli i arhumient: «Mnohija ŭ hołym vyhladzie pierad małaletnimi»1010
«Pastavili pałatki, raźviali vohniščy». MUS paćvierdziła zatrymańnie 350 čałaviek pad Rasonami. Znajšli i arhumient: «Mnohija ŭ hołym vyhladzie pierad małaletnimi»10
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra2828
Kamientary