Biźniesoviec armianskaha pachodžańnia Vahan Kierabian vyrašyŭ padtrymać kursy «Mova nanova».
Pra heta jon napisaŭ u svaim Fejsbuku, padvodziačy vyniki konkursu «Admietnyja», jaki ładzili «Citydog.by» dy «Samsung Belarus».
Vahan Kierabian zasnavaŭ słužbu dastaŭki stravaŭ ź mienskich kaviarniaŭ i restaranaŭ Menu.by, jakaja pa vynikach konkursu «Admietnyja» zaniała treciaje miesca. Voś što na hety kont napisaŭ biźniesoviec:
«Pra armianaŭ kažuć, što my ścipły narod, jaki pracuje z ranicy da nočy, jaki šmat razoŭ bili za apošnija 3000 hadoŭ, ale jaki siłaj svajoj viery i MOVY, zmoh vyžyć i zachavaŭ svaju samabytnaść. Dla nas armianskaja mova — heta harantyja vyžyvańnia i raźvićcia! U Biełarusi mnie stała vielmi kryŭdna za biełarusaŭ — mała chto viedaje movu, a štodnia na joj razmaŭlaje zusim mała chto. I ja byŭ uražany Hlebam Łabadzienkam i kursami «Mova nanova» — heta ahmień zachavańnia i raźvićcia movy. U vypadku pieramohi my płanavali pieradać pryz im. Ale našaja «paraza» u konkursie nie pieraškoda, tak što my vyrašyli padaryć sumu, roŭnuju sumie pryza — 6000 rubloŭ, na pracu i na raźvićcio kursaŭ «Mova nanova»! Takaja voś maleńkaja padtrymka ad bratniaha armianskaha naroda».
«Usie ekstremisty ci ŭžo asudžanyja, ci źjaŭlajucca fihurantami spraŭ, jakija buduć razhledžany sudami». Švied padvodzić rysu pad represijami?5
Kamientary