U Hrodnie 35-hadovaja pacyjentka palikliniki stała fihurantam kryminalnaj spravy paśla taho jak raspuściła ruki na pryjomie ŭ zahadčycy. U čas hutarki hościa pavodziła siabie ahresiŭna i naniesła doktaru niekalki ŭdaraŭ u hałavu, paviedamlaje UUS Hrodzienskaha abłvykankama.
Žycharka Hrodna prachodziła abśledavańnie ŭ paliklinicy, a paśla zdačy analizaŭ pajšła na pryjom da zahadčycy. Tam, vidać, adbyŭsia kanflikt.
«Pacyjentka naniesła paciarpiełaj, jakaja značna starejšaja za jaje, adzin udar rukoj i dva ŭdary miedycynskaj kartaj u vobłaść hałavy. U vyniku zahadčyca atrymała lohkija cialesnyja paškodžańni, u vyhladzie rany i krovapadcioku levaj skronievaj vobłaści», — raspavioŭ aficyjny pradstaŭnik UUS Hrodzienskaha abłvykankama Maksim Bazylenka.
Zaviedziena kryminalnaja sprava pa č.1 art. 366 Kryminalnaha kodeksa (Hvałt albo pahroza ŭ dačynieńni da słužbovaj asoby, jakaja vykonvaje słužbovyja abaviazki, abo inšaj asoby, jakaja vykonvaje hramadski abaviazak). Sankcyja artykuła — ad štrafu i až da pazbaŭleńnia voli terminam na 5 hadoŭ.
Braty-bliźniaty pryjšli pracavać u milicyju. Adzin ź ich pierapłyŭ raku i ŭciok ź Biełarusi, kab nie zajmacca palityčnymi spravami. Pahutaryli ź im1
Kamientary