Biełaruskaja aplikacyja dla sełfi Fabby atrymała inviestycyj na sumu $2 młn 

Novy prajekt suzasnavalnika Maps.me Juryja Mielničaka — mabilnaja aplikacyja Fabby, jakaja dazvalaje mianiać fon sełfi z dapamohaj niejronavych sietak — atrymaŭ $2 młn inviestycyj u «pasiaŭnym» raŭndzie, lidaram jakoha vystupiŭ fond Juryja Hurskaha Haxus, paviedamili dev.by u inviestkampanii.

Pavialičyć

Fabby płanuje vykarystać atrymanyja srodki dla ŭzmacnieńnia technałohii aŭtamatyčnaha adździaleńnia abjekty ad fonu na fotazdymkach i videa.

Asnova Fabby — ułasny frejmvork dla prajhravańnia niejronavych sietak na smartfonie.

«Adna niejronovaja sietka ŭmieje adznačać i abvodzić na fota ludziej. Jašče niekalki niejronavych sietak trenirujucca pad kožny dastupny ŭ mabilnaj aplikacyi styl. Kab hładka ŭpisvać siłuet čałavieka ŭ fony, treba dadatkova rašać dyfierencyjalnyja ŭraŭnieńni — hetyja vyličeńni taksama adbyvajucca na samym telefonie», — raspaviadaŭ dev.by zasnavalnik startapa AIMATTER Juryj Mielničak.

Technałohija prajhravańnia niejronavych sietak dastupnaja ŭ Fabby ŭ dvuch varyjantach: bolš pavolny vykonvaje ŭsiu pracu na CPU (centralnym pracesary) telefona, bolš chutki — na GPU (hrafičnym pracesary). Chutki varyjant pakul dastupny tolki na topavych telefonach: u apošnich iPhone i fłahmanskich Android-devajsach.

Samaja jaŭnaja nieabchodnaść u technałohii, pa słovach jaje stvaralnikaŭ, — heta kali treba zamianiać fon padčas videakanfierencyi, kab možna było vykarystoŭvać videasuviaź, naprykład, z domu i «nie saromiecca, što tam na zadnim płanie». U płanach startapa — apracoŭka 360-hradusnych fota i vykarystańnie «kastomnych» fonaŭ, zadadzienych karystalnikam.

Prajekt startavaŭ u žniŭni 2016-ha. Inviestycyi (u tym liku ad fondu Haxus) na stadyi zapusku skłali bolš za $500 tys. Siońnia raspracoŭku viadzie kamanda z 15 čałaviek u dvuch ofisach u Minsku i ŭ Ciurychu. U nastupnym miesiacy Fabby abiacaje Android-reliz, udaskanalenaje raspaznavańnie abjektaŭ i apracoŭku videa ŭ real-time. Hłabalnyja zadačy — dać karystalniku smartfona mahčymaści pracy ź videa «jak u Halivuda» i pabudavać u Biełarusi vialiki daśledčy centr u śfiery niejronavych sietak i štučnaha intelektu.

22 śniežnia aplikacyja atrymała status «Editor's choice» u App Store niekalkich krain, u tym liku Rasii.

• 0
• 0
• 0
• 0
• 0
• 0
• 0
• 0