Biełaruskuju historyju prysvojvajuć sabie mnohija inšyja dziaržavy, zajaviŭ ministr zamiežnych spraŭ Biełarusi Uładzimir Makiej 20 studzienia z žurnalistami paśla cyrymonii adkryćcia ŭ centry Minska miemaryjalnaj doški na miescy raźmiaščeńnia ŭ 1919 hodzie Kamisaryjata pa zamiežnych spravach Sacyjalistyčnaj Savieckaj Respubliki Biełaruś, piša BiełaPAN.
«Naprykład, ja liču, što absalutna niapravilna, kali Ihnata Damiejku ŭ Čyli i Tadevuša Kaściušku ŭ ZŠA ŭsprymajuć jak pradstaŭnikoŭ inšaj dziaržavy, — skazaŭ Makiej. — Tamu my prosta abaviazanyja zrabić tak, kab biełaruskaja historyja była napisanaja abjektyŭna, kab bačyli, što karani biełaruskaj dziaržavy siahajuć daloka ŭ minułaje i što nam jość čym hanarycca».
Pavodle jaho słoŭ, u Ministerstva zamiežnych spraŭ jość damoŭlenaść ab sustrečy najbližejšym časam z kiraŭnictvam Nacyjanalnaj akademii navuk. «My budziem kazać nie tolki pra pytańni ekanamičnaha i palityčnaha ŭzajemadziejańnia, ale i pra pytańni ŭzajemadziejańnia pa histaryčnaj tematycy. Liču, što my pavinny zrabić tak, kab historyja naša była abjektyŭnaja, kab naš narod bačyŭ, što my źjaŭlajemsia dziaržavaj ź vialikimi daŭnimi tradycyjami».
Ciapier čytajuć
«Narod pavinien na hetu ŭładu malicca». Łukašenka patrabuje, kab paśla armii chłopcy viartalisia stroha na raniejšyja miescy pracy9
«Narod pavinien na hetu ŭładu malicca». Łukašenka patrabuje, kab paśla armii chłopcy viartalisia stroha na raniejšyja miescy pracy
Staŭ hierojem Mahiloŭskaha ŭniviera, źbiraŭ falkłor, pracavaŭ na biełarusizacyju sadkoŭ — raskazvajem pra Jaŭhiena Bojku, asudžanaha za salidarnaść z palitviaźniami77
Kamientary