U Kuviejcie viadučy kamiedyjnaj prahramy abliŭ bienzinam i padpaliŭ svajho hościa ŭ pramym efiry. Ab hetym paviedamlajecca na anhlijskaj viersii sajta telekanała Al Arabiya, piša ria.ru.
Viadomy kuviejcki viadučy Džasiem Radžab kinuŭ vyklik svajmu hościu ŭ pačatku šou, nazvaŭšy jaho «samym kryklivym čałaviekam u Instahramie». Paśla taho, jak hościa padpalili, supracoŭniki zdymačnaj hrupy chutka patušyli ahoń. Videa, jakija znachodziacca na videachostynhu YouTube, pačynajecca z papiaredžańnia hledačoŭ ab tym, što nie varta paŭtarać ubačanaje. Taksama adznačajecca, što ŭsie miery zaściarohi byli vykananyja zahadzia. Viadučy Radžab dadaŭ, što «hość nie budzie adčuvać nijakaha bolu, jaho cieła było pakryta admysłovym achoŭnym płastom, i byŭ vykarystany vohnietušyciel».
Niahledziačy na heta karystalniki sietki raskrytykavali viadučaha, zapatrabavaŭšy pakarać jaho za strašny truk.
Kamientary