Kandydaty ad apazycyi vajujuć za prava ŭdzielničać.
Kandydaty ad apazycyi vajujuć za prava ŭdzielničać.
Puchavickaja akruhovaja vybarčaja kamisija № 73 admoviła ŭ rehistracyi inicyjatyŭnaj hrupy aktyvistcy ruchu suprać budaŭnictva chimičnaha zavodu rasiejskaj firmy «Avhust» Taciana Rysieviec. Spadarynia Rysieviec źbirajecca abskardzić hetaje rašeńnie ŭ CVK, a taksama rychtuje skarhu pra pieraśled troch siabraŭ jaje inicyjatyŭnaj hrupy.
Akramia Taciany Rysieviec, admovu ŭ rehistracyi inicyjatyŭnych hrupaŭ atrymali deputat Viarchoŭnaha Savietu 13 sklikańnia Viačasłaŭ Hierasimienka (Žytkavičy), Alaksandar Skrabiec (Miensk) — brat viadomaha palityka Siarhieja Skrabca, kiraŭnik Mienskaj abłasnoj arhanizacyi Partyi BNF Źmicier Vinahradaŭ, Piotar Kuźniacoŭ sa stvaranaj Partyi svabody i prahresu, jakomu admovili ŭ Centralnaj vybarčaj akruzie Homiela.
U Centravybarkamie paviedamili, što pasiedžańnie, na jakim buduć razhledžanyja hetyja skarhi, zaplanavana na 31 lipienia.
Mahiloŭ
U Mahilovie piać siabraŭ inicyjatyŭnaj hrupy aktyvista Svabodnaha prafsajuza Biełaruskaha Siarhieja Famina vyklikali na hutarku supracoŭniki Kamitetu dziaržaŭnaj biaśpieki. Tacianu Bułanavu, Aksanu Zakreŭskuju dy Siarhieja Łapucina dapytaŭ supracoŭnik KDB Jury Žukaŭ.
Hłybokaje
U miežach terytoryi Hłybockaj vybarčaj akruhi № 22 — častki byłoj Zachodniaj i Ŭschodniaj Biełarusi. Pretendent u deputaty Jarasłaŭ Biernikovič paviedamlaje, što va Ŭšačach na ŭschodzie milicyjanty pačali zatrymlivać źbiralnikaŭ podpisaŭ: «Na Hłyboččynie my staptali nohi, chodziačy ad kvatery da kvatery. A Vušaččyna — rajon niachodžany. Tam u dzičynu, što ludzi chodziać i źbirajuć podpisy. Mažliva, što heta vyklikaje niejkuju niepryjaznaść. Taksama cisnuli na siabraŭ majoj kamandy. Praz heta adzin ź ich, jaki pracuje majstram, admoviŭsia pracavać u inicyjatyŭnaj hrupie. Zrabiŭ heta paśla taho, jak da jaho naviedaŭsia načalnik miascovaha adździaleńnia KDB».
Kamientary