Praciahvajucca sustrečy staršyni Rady Biełaruskaj Narodnaj Respubliki Ivonki Surviły z aktyvistami biełaruskich arhanizacyjaŭ u Aŭstralii.
U Sydnei Ivonku Surviłu pryvitaŭ staršynia Biełaruskaha hramadzka-kulturnaha klubu Michaś Łužynski. U budynku klubu adbyłasia sustreča ź biełarusami Sydneju, padčas jakoj abmiarkoŭvałasia sytuacyja ŭ Biełarusi i sposaby, jakimi dyjaspara moža dapamahčy demakratyzacyi Baćkaŭščyny.
Ivonka Surviła naviedała Sydnejski ŭniversytet – najbolšuju navučalnuju ŭstanovu Aŭstralii. Prafesar Volha Kačan raskazała pra navukovyja prahramy ŭniversytetu, dzie, darečy, zachoŭvajecca kalekcyja biełaruskich peryjadyčnych vydańniaŭ.
Varta skazać, što aŭstralijskija biełarusy viali aktyŭnuju vydavieckuju dziejnaść – vychodzili časopisy «Na varcie» i «Łučnik», biuleteń «Novaje žyćcio» (hety apošni ciapier adnoŭleny namahańniami pradstaŭnika apošniaj chvali emihracyi Viktara Kavaleŭskaha).
Paśla Sydneju Ivonka Surviła nakiravałasia ŭ Melburn, jaki doŭhi čas ličyŭsia centram biełaruskaha žyćcia ŭ Aŭstralii. Staršynia Rady BNR naviedała nabaženstva ŭ carkvie Troch vilenskich pakutnikaŭ Biełaruskaj aŭtakiefalnaj pravasłaŭnaj carkvy, sustrełasia ź siabrami parafijalnaj rady. Kiraŭnik Federalnaj rady biełaruskich arhanizacyjaŭ ŭ Aŭstralii Jaŭhien Hruša naładziŭ prymańnie, na jakim prysutničali i lidery biełaruskich arhanizacyjaŭ štatu Viktoryja. Darečy, šmat chto ź ich źbiraŭ srodki dla dapamohi achviaram Čarnobylu, 20-hodździe jakoha niadaŭna ŭspaminali ŭ parlamencie štatu Viktoryja. Udzielniki vakalnaj hrupy «Kalina» prezentavali svaje pieśni, vydadzienyja na CD.
Ivonka Surviła naviedała biełaruskija mohiłki ŭ Foŭknery, dzie ŭ 1970-ja hady ŭstanoŭleny pomnik «Na viečny ŭspamin spačyłych usich viedamych i niaviedamych Biełarusaŭ».
U aŭtorak staršynia Rady BNR vylataje ŭ Edełejd, dzie taksama sustreniecca z pradstaŭnikami biełaruskaj dyjaspary.
Praciahvajucca sustrečy staršyni Rady Biełaruskaj Narodnaj Respubliki Ivonki Surviły z aktyvistami biełaruskich arhanizacyjaŭ u Aŭstralii.
U Sydnei Ivonku Surviłu pryvitaŭ staršynia Biełaruskaha hramadzka-kulturnaha klubu Michaś Łužynski. U budynku klubu adbyłasia sustreča ź biełarusami Sydneju, padčas jakoj abmiarkoŭvałasia sytuacyja ŭ Biełarusi i sposaby, jakimi dyjaspara moža dapamahčy demakratyzacyi Baćkaŭščyny.
Ivonka Surviła naviedała Sydnejski ŭniversytet – najbolšuju navučalnuju ŭstanovu Aŭstralii. Prafesar Volha Kačan raskazała pra navukovyja prahramy ŭniversytetu, dzie, darečy, zachoŭvajecca kalekcyja biełaruskich peryjadyčnych vydańniaŭ.
Varta skazać, što aŭstralijskija biełarusy viali aktyŭnuju vydavieckuju dziejnaść – vychodzili časopisy «Na varcie» i «Łučnik», biuleteń «Novaje žyćcio» (hety apošni ciapier adnoŭleny namahańniami pradstaŭnika apošniaj chvali emihracyi Viktara Kavaleŭskaha).
Paśla Sydneju Ivonka Surviła nakiravałasia ŭ Melburn, jaki doŭhi čas ličyŭsia centram biełaruskaha žyćcia ŭ Aŭstralii. Staršynia Rady BNR naviedała nabaženstva ŭ carkvie Troch vilenskich pakutnikaŭ Biełaruskaj aŭtakiefalnaj pravasłaŭnaj carkvy, sustrełasia ź siabrami parafijalnaj rady. Kiraŭnik Federalnaj rady biełaruskich arhanizacyjaŭ ŭ Aŭstralii Jaŭhien Hruša naładziŭ prymańnie, na jakim prysutničali i lidery biełaruskich arhanizacyjaŭ štatu Viktoryja. Darečy, šmat chto ź ich źbiraŭ srodki dla dapamohi achviaram Čarnobylu, 20-hodździe jakoha niadaŭna ŭspaminali ŭ parlamencie štatu Viktoryja. Udzielniki vakalnaj hrupy «Kalina» prezentavali svaje pieśni, vydadzienyja na CD.
Ivonka Surviła naviedała biełaruskija mohiłki ŭ Foŭknery, dzie ŭ 1970-ja hady ŭstanoŭleny pomnik «Na viečny ŭspamin spačyłych usich viedamych i niaviedamych Biełarusaŭ».
U aŭtorak staršynia Rady BNR vylataje ŭ Edełejd, dzie taksama sustreniecca z pradstaŭnikami biełaruskaj dyjaspary.
Ciapier čytajuć
Anžalika Mielnikava paśla źniknieńnia nabyła dźvie kvatery ŭ Minsku51
Kamientary