Ministr unutranych spraŭ Francyi Bruno le Ru padaŭ u adstaŭku na fonie bujnoha karupcyjnaha skandału. Ministra padazrajuć u tym, što jon zabiaśpiečyŭ svaim dočkam dobra apłatnuju pracu ŭ francuzskim parłamiencie, paviedamlaje VVS.
Kamientujučy rašeńnie ab adstaŭcy, 51-hadovy sacyjalist le Ru skazaŭ, što nie choča, kab rasśledavańnie ŭ dačynieńni da pracy jaho dačok «padryvała pracu ŭrada».
Novym ministram unutranych spraŭ krainy pryznačany Macijas Fiokl, jaki z 2014 hoda pracavaŭ handlovym sakratarom u francuzskim ministerstvie zamiežnych spraŭ.
Abvinavačvańni ŭ adras le Ru zahučali paśla taho, jak źjaviłasia infarmacyja, što jon uładkavaŭ svaich dačok na pracu pamočnicami deputata, dzie jany prapracavali niekalki hadoŭ, atrymlivajučy salidnuju zarpłatu: za ŭsio dočkam ministra vypłacili kala 60 tysiač dalaraŭ biudžetnych hrošaj.
Le Ru nie admaŭlaŭ, što jaho dački pracujuć u parłamiencie, ale pakazvaŭ, što takaja praktyka nie zabaronienaja zakonam. Adnak z-za pavyšanaj publičnaj cikavaści da spravy prakuratura pačała papiaredniaje rasśledavańnie.
Kamientary