Ministr achovy zdaroŭja: zarobak u 500 dalaraŭ — realny, prablema z daktarami budzie vyrašana
Prablema niedachopu miedpiersanału budzie vyrašana, zarobak u 500 dalaraŭ dla daktaroŭ — realny, 20 chvilin na pryjom terapieŭta — całkam dastatkova dla taho, kab ahledzieć čałavieka, pastavić jamu pravilny dyjahnaz i pryznačyć lačeńnie. Pra heta novy ministr achovy zdaroŭja Valeryj Małaška zajaviŭ u prahramie «Hałoŭny efir» na telekanale «Biełaruś 1».
Try cytaty z abiacańniami ministra achovy zdaroŭja.
Zarpłata daktaroŭ u 500 dalaraŭ — realna
Siońnia sapraŭdy krytykujecca ŭzrovień zarabotnaj płaty. Jon nie vielmi vysoki. Ale my pracujem u hetym kirunku: matyvacyjnyja kropki rostu vyznačany.
Tamu zadača, pastaŭlenaja prezidentam, pa zarpłacie ŭ piaćsot dalaraŭ dasiahalnaja i ŭ sistemie achovy zdaroŭja.
Niedachopu miedpiersanału chutka nie budzie
My daŭno zajmalisia pytańniem kadravaj palityki. Siońnia vypusk miedycynskich univiersitetaŭ dazvolić całkam ukamplektavać miedycynskim piersanałam, jak pieršasnaje źviano, tak i vysokatechnałahičnyja centry.
U siarednim miedycynskim piersanale siońnia deficyt adčuvaje tolki Minsk. U šerahu profilnych kaledžaŭ my navat pamienšyli padrychtoŭku takich śpiecyjalistaŭ. Tamu my nie bačym surjoznych prablem u kadravym zabieśpiačeńni ustanoŭ achovy zdaroŭja.
Dvaccać chvilin na pryjom dastatkova
Na pieršasny pryjom ŭrača-terapieŭta advodzicca 20 chvilin. I hetaha času całkam dastatkova, kab razabracca ŭ situacyi, vyznačyć taktyku lačeńnia, maršrut dyjahnastyčnych daśledavańniaŭ, kansultacyj vuzkich śpiecyjalistaŭ i pastanoŭki dyjahnazu.
Pakolki doktar prymaje pacyjentaŭ sa svajho ŭčastka, to jon pavinien viedać ludziej, ich chvaroby, siamiejnuju abstanoŭku i faktary ryzyki.
A ŭ pieryjad epidemij Ministerstva achovy zdaroŭja prymaje ekstrannyja miery i nakiroŭvaje ŭ palikliniki internaŭ i daktaroŭ stacyjanaraŭ.
Mianiać standarty absłuhoŭvańnia my nie płanujem.
Śpiavak Dźmitryj Kałdun pakazaŭ svaju minskuju kvateru niedaloka ad Drazdoŭ ŠMAT FOTA16
Kamientary