Rasijski piśmieńnik, łaŭreat premii «Nacyjanalny biestsieler» Alaksandr Haros pamior u Tel-aviŭskaj balnicy ad ankałahičnaha zachvorvańnia. Jamu byŭ 41 hod.
«Saša pamior. Boha niama», - napisała piśmieńnica, žonka aŭtara Hanna Starobiniec u «Fejsbuku».
Voś što napisała pra Harosa litaraturny krytyk Halina Juzefovič.
Haros naradziŭsia ŭ biełaruskim Navapołacku ŭ 1975 hodzie. Budučy piśmieńnik žyŭ u Ryzie, vučyŭsia na fiłałahičnym fakultecie Łatvijskaha ŭniviersiteta i fakultecie žurnalistyki MDU, paśla čaho pisaŭ u časopisy «Ekśpiert», «Vokruh śvieta» i dla internet-partału «Snob».
U suaŭtarstvie z Alaksiejem Jeŭdakimavym napisaŭ ramany «Šeraja śliź» i «Hałavałomka», a taksama zbornik małoj prozy pad nazvaj «Čučchie».
U 2003 hodzie «Hałavałomka» pryniesła Harosu i Jeŭdakimavu premiju «Nacyjanalny biestsieler».
Ab dyjahnazie siamja piśmieńnika daviedałasia ŭ 2015 hodzie. Apošnija miesiacy žyćcia litaratar lačyŭsia ŭ Miedycynskim centry imia Suraski ŭ Tel-Avivie.
Kamientary