Lidery apazycyjnych partyj źviernucca da kiraŭnictva dziaržaŭnaha telebačańnia i radyjo z prapanovaj arhanizavać šerah palityčnych debataŭ pa pytańniach, jakija zaraz najbolš chvalujuć hramadzianaŭ.
Lidery Abjadnanych demakratyčnych siłaŭ vyrašyli źviarnucca da kiraŭnictva biełaruskaha dziaržaŭnaha telebačańnia i radyjo z prapanovaj arhanizavać šerah palityčnych debataŭ pa pytańniach, jakija zaraz najbolš chvalujuć hramadzianaŭ. Pavodle apazycyjnych palitykaŭ, zaraz dziaržaŭnyja ŚMI metanakiravana ihnarujuć vybarčuju temu, i ŭ ludziej stvarajecca ŭražańnie, što nijakich vybaraŭ u Biełarusi nie adbyvajecca.
Z prapanovaj źviarnucca da dziaržaŭnych tele‑ i radyjokanałaŭ vystupiŭ staršynia Abjadnanaj hramadzianskaj partyi Anatol Labiedźka. Svaju inicyjatyvu palityk ahučyŭ 7 žniŭnia padčas pasiedžańnia Prezydyjumu Palitrady ADS. Jak adznačyŭ Anatol Labiedźka, zaraz toje, što ŭ krainie iduć parlamenckija vybary adčuvajuć tolki zborščyki podpisaŭ i tyja ludzi, da jakich jany pryjšli. Adnak nasamreč, heta vielmi važnaja padzieja, jakaja pavinna chvalavać kožnaha hramadzianina Biełarusi:
«Siońnia vybarščyki chočuć pačuć adkaz na pytańnie: što prapanujuć kandydaty ŭ deputaty. Asabliva arhanizavanych struktur. Pa sacyjalnaj palitycy, pa budaŭnictvie atamnaj stancyi, pa systemie adukacyi. Kab ludzi rabili śviadomy vybar, jany pavinny vałodać jak maha bolšaj infarmacyjaj».
Anatol Labiedźka ŭpeŭnieny, što pieradvybarčyja debaty pieravysiać rejtynhi bolšaści prahram biełaruskaha telebačańnia, uklučajučy i tyja, jakija raskazvajuć hledačam «pra pajezdki niekatorych čynoŭnikaŭ pa rehijonach»:
«Kali b pravieści sacyjalahičnaje apytańnie ci referendum, to za našu prapanovu vykažacca bolš za 90 adsotkaŭ vybarščykaŭ. I heta budzie absalutna ščyra. Biez usialakich falsyfikacyj».
Ciapier čytajuć
Dzieci źlizvali z brudnaj padłohi pralitaje małako. Jakoj pabačyŭ zamiežnik Biełaruś, spustošanuju rasijskimi i šviedskimi vojskami ŭ čas Paŭnočnaj vajny1111
Kamientary