Sud u horadzie Iŭreja paŭnočna-zachodniaha italjanskaha rehijona Pjemont pastanaviŭ, što razmovy pa mabilnym telefonie pa try-čatyry hadziny ŭ dzień na praciahu 15 hadoŭ pryviali da raźvićcia dabrajakasnaj puchliny mozhu ŭ kiraŭnika adnoj ź miascovych kampanij, piša VVS.
Razhledzieŭšy pazoŭ, padadzieny 57-hadovym Rabierta Ramea da sacyjalnych słužbaŭ, sud paličyŭ, što jamu naležyć dziaržaŭnaja piensija za škodnaść. Pry hetym advakaty sacsłužbaŭ mohuć abskardzić hetaje rašeńnie.
«Upieršyniu ŭ śviecie sud pryznaŭ suviaź pamiž niekarektnym vykarystańniem mabilnaha telefona i puchlinaj mozhu», — zajavili advakaty biznesmiena Renata Ambrozija i Stefana Biertone.
Sam Ramea pry hetym daloki ad taho, kab demanizavać sotavuju suviaź: «U mianie nie było vybaru — mnie nieabchodna było arhanizoŭvać pracoŭny praces i hutaryć z kalehami ŭvieś čas — choć u mašynie, choć doma — na praciahu 15 hadoŭ».
«Ale ja vieru, što nam varta viedać bolš ab tym, jak karystacca mabilnymi», — dadaŭ italjaniec.
Pa słovach Rabierta, jon upieršyniu adčuŭ niadobraje ŭ 2010 hodzie, kali jamu stała zdavacca, što jaho pravaje vucha viečna zakładzienaje. «Na ščaście, puchlina była dabrajakasnaj, ale ciapier ja ničoha nie čuju [hetym vucham], bo mnie vydalili słychavy nierv», — adznačaje pradprymalnik.
Zaprošany sudom lekar acaniŭ škodu, naniesienuju mahčymaściam Ramea ŭ chodzie lačeńnia, jak istotnuju, u suviazi z čym sudździa pastanaviŭ vypłačvać paciarpiełamu pa 500 jeŭra ŭ miesiac sa srodkaŭ nacyjanalnaha strachavoha fondu Italii.
Jak adznačajuć navukoŭcy, ryzyka ŭźniknieńnia puchlin ad niedoŭhačasovaha vykarystańnia mabilnych telefonaŭ vielmi nievialikaja, adnak jana prysutničaje pry pastajannym vykarystańni takich pryład.
Pry hetym śpiecyjalisty zaŭsiody ahavorvajucca, što technałohii raźvivajecca vielmi chutka, i zaklikajuć z aściarožnaściu rabić vysnovy pra ŭpłyŭ smartfonaŭ i płanšetaŭ na arhanizm.
Ciapier čytajuć
Biełaruska nabiła na ciele partrety Łukašenki i jaho synoŭ, Umki, Pucina dy Si Czińpina20
Kamientary