«Piataje Evanhielle» Karnelija Konseka
Z 15 lipienia ŭ Hłybockim haradskim centry kultury znachodzicca fotavystava Karnelija Konseka- kansultanta pa pytańniach palihrafii i dyzajnu kulturna-relihijnaha časopisa «Dyjałoh». Fotavystava maje cikavuju nazvu «Piataje Jevanhielle». Viedajem, što isnujuć čatyry Jevanhielli- ad Matvieja, Łuki, Marka i Jana, a što ž takoje Piataje Jevanhielle? Adkaz prosty -- heta toje, što nas atačaje, heta ŭsio toje, što my bačym ci na što nie zvažajem.
Za kožnym kadram jość niejkaja žyćciovaja historyja.
«Piataje Jevanhielle» stvorana Boham i rukami čałavieka. Možna skazać, što heta jość kniha našaha paŭsiadzionnaha čytańnia. Stvaralnik fotazdymkaŭ, ekspanirujemych na vystavie, Karnelij Konsek, naradziŭsia ŭ 1962 h. u h.Pruškaŭ (Polšča). U 1981 h. jon pryniaŭ manastva ŭ Ordenie Misijanieraŭ Božaha Słova. Karnielij Konsek byŭ słuchačom kursa fiłasofii ŭ Nysienskaj Vyšejšaj Duchoŭnaj sieminaryi, skončyŭ Duchoŭnuju sieminaryju ŭ h.Pieniežna, skončyŭ studyju palihrafii ŭ Varšavie. Jon pracavaŭ čatyry hady ŭ Rymie, a z 1998 pracuje na Biełarusi ŭ zhadanym vyšej časopisie «Dyjałoh». Pra svaju vystavu Karnielij Konsek adznačyŭ nastupnaje: «Časta ludzi nie zaŭvažajuć tych niezvyčajnych rečaŭ, što znachodziacca pobač. Ale kali robiš zdymak i staviš jaho ŭ ramku- adkryvajecca inšy śviet. U svajoj pracy ja chaču pakazać toj cud pryrody, tuju pryhažość, pobač ź jakoj my žyviom, ale prachodzim mima». Fatohraf adznačyŭ, što redka zdymaje čałavieka, kab nie pahavaryć ź im, bo za kožnym kadram jość niejkaja žyćciovaja historyja, jakuju jon pavinien pieradać u zdymku.
Siarod ekspanataŭ vystavy jość šerah fotazdymkaŭ dziaciej z Baranavickaha dziciačaha doma («I što dobraha ŭ hetym žyćci?», «Soniečny zajčyk», «Kvietačka», «Iznoŭ kaša!», «Paryžanka»). Karnelij Konsek zaznačyŭ, što hetym jon chacieŭ pakazać čałavieku pryrodu jaho hrachu, što hladzić z fotazdymka niavinnymi dziciačymi vačyma.
Na inšych fotazdymkach možna pabačyć dźvie raki, jakija utvarajuć kryž, žančynu ŭ 102-i hod jaje naradžeńnia, zadumlivaha chłopca na fonie skulpturnaj vyjavy zadumlivaha Chrysta, pieršyja kropielki-»ślozki» na viarbinie, «čaratovuju» noč, apošnija vosieńskija listy, adkryćcio pryhožaj kvietki i inš.
Ciapier čytajuć
Łukašenka znajšoŭ niezvyčajnyja słovy dla spačuvańnia Chamieniei: «vierałomnaja ataka»27
Kamientary