U druhim tury prezidenckich vybaraŭ u Francyi pieramahaje Emaniuel Makron, paviedamlajuć bielhijskaja hazieta Le Soir i telekanał RTBF. Jany spasyłajucca na dadzienyja daśledčych instytutaŭ, jakija pravodzili apytańni ŭ dzień hałasavańnia, piša RBK.
U druhim tury prezidenckich vybaraŭ u Francyi pieramahaje kandydat ad partyi «Napierad!» centryst Emaniuel Makron, jaki atrymlivaje bolš za 60% hałasoŭ. Pra heta paviedamlaje bielhijskaja hazieta Le Soirsa sa spasyłkaj na apytańni, praviedzienyja ŭ niadzielu čatyrma instytutami.
Vydańnie adznačaje, što značnuju rolu ŭ vynikach hałasavańnia mohuć adyhrać niezapoŭnienyja biuleteni.
Telekanał RTBF taksama sa spasyłkaj na instytuty daje bolš padrabiaznuju infarmacyju. Pavodle jaho dadzienych, Makron nabiraje ad 62 da 64% hałasoŭ. Paźniej telekanał pavysiŭ vierchni paroh mahčymaha vyniku Makrona da 67%.
Papiarednija vyniki na asnovie padliku pieršych hałasoŭ buduć dastupnyja paśla 19:00 pa miascovym časie, heta značyć užo paśla zakryćcia vybarčych učastkaŭ.
U toj ža čas sacyjołahi fiksujuć vialiki pracent tych, chto vyrašyŭ nie ŭdzielničać u druhim tury vybaraŭ. Tak, pa dadzienych čatyroch instytutaŭ — Ifop-Fiducial, Ipsos Sopra, Harris i Elabe, — ad 25 da 27% vybarščykaŭ nie pajšli hałasavać, pieradaje Reuters.
ŚMI Francyi zakonam zabaroniena publikavać vyniki apytańniaŭ na vybarčych učastkach da zakančeńnia hałasavańnia, tamu niaredka takija dadzienyja publikujuć vydańnia susiednich krain.
Akramia taho, pa nieaficyjnych dadzienych, Emaniuel Makron va ŭsich zamorskich departamientach apiaredžvaje lidara «Nacyjanalnaha frontu» Maryn Lo Pen. Tak, pa źviestak Le Soir, mienš za ŭsio hałasoŭ Makron atrymaŭ u Sien-Bartelami — 58,4%, bolš za ŭsio ŭ Hvadełupie — 77,5%. Takim čynam, papiarednija vyniki lidara «Nacyjanalnaha frontu» nie pieravyšajuć 50% ni ŭ adnym zamorskim departamiencie.
Kamientary